Nogna Buka Esta 6:13 - Buka Blahi Ka Cheke Holo

¹³ Aonu mana ne toutonu ka Seres baludi kheragna re eidi gobigna lepo te edi ka narane igne. Aonu khetogna nei kheragna teu mana igre ne cheke eghu ka mana, “Gognarona iagho theo kaisei nou nolaghi ka mae Modikae. Mana ginauna ulu nigho iagho, naugna mae igne kaisei mae Jiu.”

Nogna Buka Esta 6:13 ပူးပေါင်းရင်းမြစ်များ

Proveb 28:18

Ihei te leghuni puhi te doglo na, ginauna au fakeli. Nu ihei te leghuni puhi te diꞌa na, mana ginauna au papara.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Jenesis 41:8

Hamerane mae king ne kmana gaoghathogna fara ka mifi igre ne kilodi hatimare mae glalase di Ijep, nei hatimare mae kastom te tangomana te mala lasedi ba filodi unha glepo te poru re. Mana ne toutonu ka hatimare eidi phei mifi igre. Nu theo kaisei mae ka hatimare mae igre te tangomana te ruthadi ka mana u gaoghathodi phei mifi igre na.

Jenesis 40:19

Ke lamnadi thilo narane igre mae king ginauna na hata fajifla nigho iagho ke kosi suga sosolo, eghuteuna mana ginauna na chekedi hatimare mae soldia ra mala kusu graramu iagho na. Eghuteuna mare ginauna na fagefe haghe thinimu iagho na ka kaisei gaju, eghuteuna nanghajire ginauna na mei ghamu thinimu iagho na.”

Profet Daniel 2:12

Kate nomhini nodi cheke mare igne, king ne thofno diꞌatagna fara. Aonu mana ne cheke eghu ka mare, “Ghotilo mae glalase te gnafa Babilonia igre mala lehe.”

Thoutonu Eigna Mae Job 16:2

“Iara neke nomhidihi cheke igre. Cheke igre ghotilo chekedi mala togho ghau iara, nu puhi biꞌo thoke ghau iara.

Thoutonu Eigna Mae Job 15:24

Puhi biꞌo famamhaghuni mana. Naꞌau huru hanga nei puhi biꞌo teu igre jateula kaisei king te tarabana armi mala mei magra ka mana teura eghu.

Jenesis 24:66

Aonu kate mei mare te posa ka mae Isak na, mae gloku na ne toutonu ka mae Isak eigna nogna thei na, nei unha glepo teke edi ka namono teke tei mana na eghu.

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Diutronomi 32:10

“Lord neke filo ghami ghotilo ke lamna namono nagou aheva te theome tangomana kaisei naikno te au tagna eghuteuna nuri na ghaghafa fabrahu. Mana neke reireghi ghami nei fiofilo ghami neku ghotilo. Mana neke fakarhi ghami ghotilo, naugna ghotilo nhogri fara ka keha naiknore ka tathagna mana na.

Nodi Khoje Hatimare Mae Jiu 105:15

Mana neke cheke eghu ka hatimare mae king, “Ghotilo thosei goigonidi naikno teke vavahi iara igre, nei ghotilo thosei eni kaisei glepo te diꞌa ka nogu mae mala cheke iara igre eghu mae Ebraham, mae Isak nei mae Jekop.”

Profet Sekaraea 2:12

Nohi Juda igne ginauna mala nogna Lord ka nogna glose blahi mana. Eghuteuna mana ginauna nake vahini Jerusalem kaisei namono mala au mana tagna.