Nogna Buka Esta 5:9 - Buka Blahi Ka Cheke Holo

⁹ Kate gnafa ima na, mae Haman ne thofno gleale'a fara. Nu mana tei ne filoni mae Modikae te gnokro teu ka geri grengathagna nogna suga mae king na. Nu kate filoni mae Haman te mei na, mae Modikae ne theome kegra haghe nei theome pogho soru ka mana. Aonu mae Haman filoni igne ne thofno diꞌatagna fara ka mae Modikae.

Nogna Buka Esta 5:9 ပူးပေါင်းရင်းမြစ်များ

Nogna Buka Esta 3:5

Kate laseni mae Haman te theome ghatho tahuni, nei turupuku ranghini teu mae Modikae igne, mana ne thono diꞌatagna fara.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Jemes 4:9

Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.

Luku 6:25

Puhi biꞌo ka ghotilo naikno te boho nomi gognaro gre! Naugna ghotilo ginauna nake rofou! Eghuteuna puhi biꞌo ka ghotilo te maꞌe gognaro gre! Naugna ghotilo ginauna nake tanhi biꞌo nei diꞌanagnafa eghu!

Profet Daniel 3:13

Kate nomhini King Nebukadnesa cheke igne, mana ne thofno diꞌatagna fara ne cheke faheta fara ka mare mala hata tei thilo mae igre ka mana. Aonu mare hata ne tei thilo mae igre ka king.

Nodi Khoje Hatimare Mae Jiu 27:3

Jame neuba kaisei thara ne mei bara falithui ghau iara, iara ginauna na theome mhaghu nogu kolho. Jame neuba nogu naoka iara re ne mei magra ka iara, iara ginauna au nogu grouronu biꞌo fara ka God.

Nodi Khoje Hatimare Mae Jiu 15:4

Mana theome mala fofodu ka ihei te tapla jafra ka nakhibo, nu mana mala ghatho tahudi iheire te leghu nigho re. Mana mala edi unha teke nhaꞌa chekedi thegna re, neubane ninhigrana ranghini.

Thoutonu Eigna Mae Job 31:31

Nogu mae gloku iara igre lasenihi te leuleghu fata na mare te gnafa na ghamu fakeli ka nogu suga tapuale iara na.

Thoutonu Eigna Mae Job 20:5

naikno te diꞌa igre tangomana te glealeꞌa katha vido kmoꞌei kolho.

Nogna Buka Esta 3:2

Aonu king ne cheke ranghidi nogna mae funei re mala pogho soru nei turupuku eghu ke ulugna mae Haman. Nu mae Modikae ne tirogna turupuku, ba fafnaknoni mana.

Nogna Buka Esta 2:19

Ka fapea fata te kafe mei gaꞌase igre, king Sekses ne vahini mae Modikae mala kaisei nogna mae minista.

Ululahu Kings 21:4

Aonu king Ehab neke pulo ka suga na, eghuteuna mana ne diꞌanagnafa gna fara ka nogna cheke mae Nebot igre. Eghuteuna mana tei ne thuru ka nogna sape na ne figri lao fei gringni na, ne tirogna ghamu.

Mae Khuru 7:54

Kate nomhidi mae biꞌodi mae Jiure cheke mae Stivin igre, mare ne diꞌa tadi ne thono ngingiridi fara ka mae Stivin.

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Nogna Buka Esta 5:13

Nu neuba, kaisei glepo na thofno goigonini fara nagnafagu iara na. Iara filoni mae Modikae, mae gna Juda te loku ka sugagna mae king igne. Mana theome ghatho tahu ghau iara. Neuba iara ne filodi kmana glepo te keli, gaoghathogu iara na theome keli kolho.”

Ululahu Kings 21:6

Eghuteuna mana ne cheke eghu ka naꞌa, “Iara neke toreni mae Nebot mala foli nogna nagare mana na neku, ba jame te magnahaghei mana na, iara tangomana te snakre lao ka mana keha nagare. Nu unha te chekeni mana ka iara na, mana theome tangomana te snakreni ka iara na.”