Nogna Buka Esta 5:13 - Buka Blahi Ka Cheke Holo

¹³ Nu neuba, kaisei glepo na thofno goigonini fara nagnafagu iara na. Iara filoni mae Modikae, mae gna Juda te loku ka sugagna mae king igne. Mana theome ghatho tahu ghau iara. Neuba iara ne filodi kmana glepo te keli, gaoghathogu iara na theome keli kolho.”

Nogna Buka Esta 5:13 ပူးပေါင်းရင်းမြစ်များ

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Thoutonu Eigna Mae Job 18:4

Diꞌatamu iagho igne, goigoni nigho themu kolho. Ba, gaoghathomu iagho na naikno te gnafa igre mala tei kokoni nauthoglu igne mala kelitamu iagho? Ba, gaoghathomu iagho na iagho magnahagheini God te hata koko thogele igre, mala keli gaoghathomu iagho na?

Thoutonu Eigna Mae Job 15:20

Mae te diꞌa na au diꞌanagnafa fabrahu leuleghu narane ka nakarhagna na. Eghuteuna puhi biꞌo ginauna thokeni mae te diꞌa igne leuleghu finogha ka nakarhagna na.

Nogna Buka Esta 5:9

Kate gnafa ima na, mae Haman ne thofno gleale'a fara. Nu mana tei ne filoni mae Modikae te gnokro teu ka geri grengathagna nogna suga mae king na. Nu kate filoni mae Haman te mei na, mae Modikae ne theome kegra haghe nei theome pogho soru ka mana. Aonu mae Haman filoni igne ne thofno diꞌatagna fara ka mae Modikae.

Esra 2:2

Nanghadi mae iheire teke batudi mare teke figri re igre: Mae Serubabel, nei mae Jesua, nei mae Nehemaea, nei mae Seraea, nei mae Relaea, nei mae Modikae, nei mae Bilsan, nei mae Mispa, nei mae Bigvae, nei mae Rehum nei mae Bana. Khaputudi naikno nei tharakna gna Israel teu teke figri re igre:

Nodi Khoje Hatimare Mae Jiu 37:12

Mae te diꞌa na gaoghatho mala eni puhi te diꞌa na ranghini mae te doglo na, nei diꞌatagna eghu ka mana.