Nogna Buka Esta 5:12 - Buka Blahi Ka Cheke Holo

¹² Mana jaola ne cheke eghu ka mare, “Filo si ghotilo! Kuin Esta neke eni kaisei gaghamu biꞌo malami ghepa mae king kolho. Naꞌa neke theome ehadi keha maei te mala mei na. Theo fara. Eghuteuna te chekeni naꞌa na, ghepa ginauna nake tei ima balugna naꞌa nathuꞌu na.

Nogna Buka Esta 5:12 ပူးပေါင်းရင်းမြစ်များ

Proveb 27:1

Iagho thosei cheke fahaehagheni unha nate eni iagho nathuꞌu na, iagho theome laseni unha nate thoke mei ginauna.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Nogna Buka Esta 5:8

“King, jame te keli ka iagho na, iara magnahaghei ghami ghopa mae Haman teke kafe mei agne nathuꞌu ka keha gaghamu te tarabana malami ghopa teu iara igne. Kate mei ghopa na, iara ginauna na chekeni ka iagho unha te magnahagheni iara na.”

Nogna Buka Esta 5:13

Nu neuba, kaisei glepo na thofno goigonini fara nagnafagu iara na. Iara filoni mae Modikae, mae gna Juda te loku ka sugagna mae king igne. Mana theome ghatho tahu ghau iara. Neuba iara ne filodi kmana glepo te keli, gaoghathogu iara na theome keli kolho.”

Eklesiasti 8:7

Tahati theome laseni unha nate thoke ghita ginauna, eghuteuna theo kaisei naikno nate cheke ranghi ghita eidi glepo igre.