Nogna Buka Esta 5:11 - Buka Blahi Ka Cheke Holo

¹¹ Kate kafe khapru mei te gnafa mae kheragnare, mana kegra haghe ne fafnaknoni nanghagna thegna na ke uludi mare hui. Mana ne falaseni thegna ka mare te kaisei mae dedei, nei kaisei mae au kmana thugna. Eghuteuna mae king jaola neke tusu lao kaisei sape nafnakno biꞌo ka mana. Eigna mana nogna praeminista mae king. Eghuteuna keha nogna mae minista te gnafa mae king igre au ke parigna mana.

Nogna Buka Esta 5:11 ပူးပေါင်းရင်းမြစ်များ

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Jenesis 31:1

Kaisei narane mae Jekop ne nomhidi nodi cheke thugna mae Laban gre te cheke eghu ka keha naiknore, “Mae Jekop gne hata nogna gobigna lepo mae kmami ghehati na, ka puhi igne mana gognaro na la kaisei mae dedei fara.”

Nonomho Te Keli Teke Risoi Mae Mak 10:24

Mae fanomhore ne jaglo nodi fara ka nogna cheke mana igre. Nu mana ne cheke eghu ka mare, “Tore, kheraguro, thono ninhigrana fara ranghini kaisei naikno te au baludi naikno God te funei frunidire.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Isaia 10:8

Mae king Asiria igne fahaehagheni fara neke cheke eghu, ‘Mae komanda ka nogu armi iara igne thofno nheta fara salaꞌudi keha king are!

Nogna Buka Esta 1:4

Gaghamu biꞌo igne hata nabagna namno nhigra thongana. Eghuteuna ka narane igre King Sekses ne fakakhana ka mae funei te gnafa igre nogna dedei nei nogna nafnakno nei nogna famane suga biꞌo teure.

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Nodi Khoje Hatimare Mae Jiu 52:9

God, iara ginauna cheke fakeli nigho fabrahu eidi glepo teke edi iagho ra. Iara ginauna na chekedi glepo igre ke uludi nou naikno iagho re na cheke eghu, “God na ne eni ka iara puhi te keli na.”