Nogna Buka Esta 5:1 - Buka Blahi Ka Cheke Holo

¹ Esta ne theome ima nabagna thilo narane. Ka fatilo narane na Esta ne pipichi nogna pohe nafnakno Kuin na ne tei ka sugagna King. Naꞌa ruma haghe ka grengatha na khegra neu jare fei te gnokro figri lao teu King igne.

Nogna Buka Esta 5:1 ပူးပေါင်းရင်းမြစ်များ

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Nogna Buka Esta 6:4

Aonu mae King ne ghusna eghu ka mare, “Keha nogu mae ofisa iara au ka suga igne, ba theo?” Ka vido igne la mae Haman ne ruma mei ka baragna nogna suga king na. Mana mei mala toreni King mala haru graragna mae Modikae na mala fagefe hagheni mana ka gaju na.

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Nogna Buka Esta 4:11

“Thofno keli fara, nu kaisei vetula na la kulu auhi jare. Jame te theome kiloni king mae igne, nu tei mana ka sugagna King na teuna, mare ginauna na faleheni mae igne. Vetula igne thofno ulu fara. Eghume, naikno te gnafa, funu ka nogna funei mae king igre te tei posa ka naiknodi provins te gnafa igre kafe laseni vetula igne. Kaisei glepo te mala fakarhini naikno na igne kolho: Ihei te tusu lao King tagna nogna khodo teke hohoro ka gol igne ngala nate karha na. Eghume, iagho tore ghau iara mala tei filoni king, nu King la theome kilo ghau iara hi nabagna kaisei nhigra.”

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Matiu 27:64

Ghehati magnahaghei nigho iagho te chekedi nou mae gloku ra mala reireghi fakeli gluma tuana ghilei thoke ka fatilo narane na. Nogna mae fanomhore jame mei blau thinigna mana na. Eghuteuna mare tangomana te chaghi te cheke eghu ka naiknore, ‘Mana kela karha fapulohi.’ Chaghi tuana na diꞌa fara uluni teke eni tifa ia.”

Matiu 11:8

Ba, neke tei filo unha? Filoni kaisei mae te pipichi famane pohe? Theo! Ihei te pipichi nafnata pohe tuare au ka nogna suga mae funei.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Nogna Buka Esta 1:11

Mana kurudi mae igre mala tei chekeni Kuin Vasti mala fahaghe nogna khepi nafnakno na mala mei kegra ke ulugna. Mana magnahaghedi nogna mae funei nei naikno teu te au ka gaghamu igre te filoni naꞌa, naugna Kuin Vasti igne kaisei famane gaꞌase fara.

Nogna Buka Esta 4:17

Aonu mae Modikae ne nomhini nogna cheke Esta igne ne tei eni unha teke chekeni naꞌa na.

Nogna Buka Esta 2:5

Aonu kaisei maegna Juda te au ka namono biꞌo Susa. Nanghagna na, mae Modikae thugna mae Jaea, thugna mae Simei, thugna mae Kis vikegna mae Benjamin.