Nogna Buka Esta 4:8 - Buka Blahi Ka Cheke Holo

⁸ Eghuteuna mae Modikae ne hata nogna letas mae Haman igne ne tusu lao ka mae Hatak. Letas igne cheke ranghidi naiknore mala falehedi hui hatimare mae Jiu. Mae Modikae ne cheke ka mae Hatak mala toutonu ka Kuin Esta gobigna lepo igre. Eghuteuna mae Modikae jaola ne cheke ka mana mala tei Kuin Esta mala toreni King mala kokhonidi nei toghodi eghu naikno Jiu igre.

Nogna Buka Esta 4:8 ပူးပေါင်းရင်းမြစ်များ

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Thoutonu Eigna Mae Job 9:15

Neuba iara ne theome eni kaisei glepo te diꞌa nu iara theome tangomana te cheke lao kaisei cheke ka mana. God nate fate ghau iara na, eghuteuna iara mala toreni kolho mana mala kokhoni ghau.

Nogna Buka Esta 2:20

Tifa na, mae Modikae neke cheke ranghini Esta mala thosei cheke thakleni thegna te kaisei thau Jiu na. Aonu Esta gne thofno leghuni koba nogna cheke mae Modikae re funu sua gna. Eghume naꞌa ne leghuni koba chekegna mae Modikae na gognaro na.

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Ululahu Timoti 6:13

Ke ulugna God mae ihei teke tusu lao karha ka gobigna lepo fateote'o nei ke ulugna mae Jisas Kraes mae ihei teke theome mhaghu teke cheke thakleni nogna fatutuani biꞌo na ke ulugna mae Pontius Paelat, iara gognaro na cheke faheta ka iagho.

Mae Khuru 12:20

Kate au teu jare na, mae Herod neke diꞌatagna fara ka naiknodi phei namono biꞌo Taea nei Sidon. Aonu mae biꞌodi phei namono tuare ne loku fodu mala tei filoni mae King Herod. Ulu lahu na mare ne kulu famaemaheni mae Blastus, mae ihei te mae biꞌo ka nogna tothoghei mae gloku mae Herod re mala toghodi mana. Ke leghugna igne mare mei ne toreni u pharikeli na ka mae Herod, naugna funu tifa te mei na mare jare ka namono te funei frunini mae Herod tuana te mala foli gano koba na.

Proveb 21:1

Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Nogna Buka Esta 8:6

King, jame te theome gnafa puhi igne na, iara ginauna thofno diꞌa nagnafagu fara. Naugna naiknogna kantri igne ginauna falehedi kheragu, nei vikegu teu iara igre. Eghume, iara nabagu na mala jaola lehe baludi.”

Nogna Buka Esta 4:9

Aonu mae Hatak ne tei toutonu ka Esta unha teke chekedi mae Modikae igre.

Nodi Khoje Hatimare Mae Jiu 122:6

Tahati taraidi naikno te au ka namono Jerusalem mala au mare kau pharikeli. Uve, tahati mala tarai eghu agne, “Lord God, jame te keli na iagho toghodi naikno te namha nigho re mala au fakeli.