Nogna Buka Esta 4:14 - Buka Blahi Ka Cheke Holo

¹⁴ Jame te theome cheke iagho te kmu teu kolho ka narane te ninhigrana igre na, keha naiknoi ginau nate mei te mala togho ghita nei fakarhi ghita. Nu iagho baludi tharaknamure ginauna lehe. Nu tahati theome laseni, jau iagho mala Kuin kolho ka vido te ninhigrana igne jau?”

Nogna Buka Esta 4:14 ပူးပေါင်းရင်းမြစ်များ

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Profet Jeremaea 30:11

Iara au balumi ghotilo, eghuteuna iara ginauna fakarhi ghami ghotilo. Neuba iara ne goigonihi kantri mala tei au ghotilo teku iara igne, iara ginauna na theome goigoni ghami ghotilo. Neuba, iara ginauna para ghami ghotilo, eidi nakhibo te edi ghotilo ranghi ghau iara, nu iara ginauna na theome para ghami fara ghotilo.” Igne cheke gna Lord.

Profet Jeremaea 46:28

Iara ginauna na au balumi ghotilo, eghuteuna iara ginauna na fakarhi ghami ghotilo. Iara ginauna na goigonidi kantri teke atha ghami ghotilo are, nu iara ginauna na theome goigoni ghami ghotilo. Nu neuba, iara ginauna para ghami ghotilo eidi nakhibo teke edi ghotilo ranghi ghau iara ra. Nu iara ginauna na theome para ghami ghotilo.” Igne cheke gna Lord.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Nogna Buka Esta 2:15

Ka fabotho nhigra te kiloni mare Tebet, ka fafitu finogha te funei king Sekses igne, mare hatani Esta ne tei au balugna mana kaisei bongi thongana. Esta gne kaisei famane gaꞌase fara, eghuteuna naikno te filoni naꞌa re keli tadi fara ka naꞌa. Ka narane igne, naꞌa ne pipichi pohe teke chekedi mae Hegae ka naꞌa re.

Matiu 24:22

“Jame theome hata kokohi God keha narane meuna, ginauna theo kaisei naikno te karha na. Nu naugna God ne ghathodi naikno teke vavahi thegna re ne hata kokohi keha narane.

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Nogna Buka Esta 2:7

Mae Modikae neke taego kaisei sua gaꞌase, nanghagna na Esta. Nu nanghagna naꞌa igne ka cheke Hibru na, Hadasa. Naꞌa kaisei famane gaꞌase fara. Kate lehe idogna kmagnare, mae Modikae ne tajini naꞌa ne ghilei gaꞌase biꞌo. Nanghagna kmagna Esta na, mae Abihael, nebugna mae Modikae.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Nehemaea 6:11

Nu iara ne cheke eghu ka mana, “Iara theome nafnata naikno te mhaghu nei rikha me tei poru teura sia. Eghume iara theome naba te rikha te tei poru lamna ka nogna Sugablahi God na te mala fakarhini nakarhagu na. Theo fara.”

Fapea Kings 19:3

Kate filoni mae profet na, mare ne cheke eghu ka mana, “Profet, King Hesekaea neke cheke eghu: Gognarogne kaisei puhi biꞌo thoke ghita tahati, eghuteuna tahati thono mamaja noda fara! Tahati jateula kaisei gaꞌase te namo karha sua, nu theome karha kolho teura eghu.

Ululahu Samuel 17:29

Nu mae Devet ne cheke eghu, “Iara theome eniu kaisei glepo te najafra na. Ba, iara theo nogu nolaghi te mala ghusna na?”

Jajis 15:6

Keha mae biꞌodi Filistia gre ne ghusna eghu, “Ihei site eni puhi te diꞌa ignea?” Ke leghu, mare laseni Samson te eni igne naugna ivagna mana Timna igne neke snakre lao khetogna Samson na ka kaisei mae teke gnokro balugna mana ka gaghamu tholaghi ia. Aonu maedi Filistia tei ne gnubra gaꞌase igne balugna kmagna na.

Thoutonu Eigna Mae Job 9:18

Mana ginauna theome snakre ghau iara mala ke phanga ghu iara, eghuteuna mana ginauna eni nakarhagu iara na mala diꞌa fara.

Levitikas 26:42

te eghu na, iara ginauna ghathoni nogu nhaꞌa cheke teke eni iara baludi kuꞌedi mare, Ebraham, Isak, nei Jekop. Eghume iara ginauna nake ghathoni nomi glose ghotilo na mala ke pulo mei mare tagna.

Fapea Kings 13:5

Aonu Lord ne kuruni kaisei mae lida mala tei fakarhidi ka khamedi mae Siria. Eghuteuna mare neke au fakeli ka nodi namonore jateula teke tifa ra neu.

Nogna Buka Esta 4:13

mae Modikae ne fatei cheke igne ka Esta, “Thosei ghathoni iagho ne au fakelihi themu ka sugagna King na teu te ghatho iho ghami ghehati naikno Jiu gre.

Nogna Buka Esta 4:15

Aonu Esta ne fatei cheke igne ka mae Modikae,

Nogna Buka Esta 2:17

Kate tei Esta ka king na, mana filoni Esta ne magnahagheni fara ke tulaodi keha gaꞌase teke kulu tei filoni mana igre. Aonu mana ne lisei lao khepi nafnakno na ka phaꞌugna Esta na mala tughuni Kuin Vasti.

Eklesiasti 3:7

Narane mala reku pohe nei narane mala susuki pohe. Narane mala au kmu nei narane mala cheke.