Nogna Buka Esta 4:1 - Buka Blahi Ka Cheke Holo

¹ Kate nomhini mae Modikae cheke igne, mana ne thofno mhaghu nogna fara. Mana ne thofno diꞌa nagnafagna fara ne rerheku nogna pohe na. Aonu mana kegra haghe ne pipichi ka pohe thona, nei ghiha nakrofu ka phaꞌugna na mala falalaseni nogna diꞌanagnafa. Mana nolo ne tei ke lamnagna namono biꞌo na balu tanhi fabiꞌo.

Nogna Buka Esta 4:1 ပူးပေါင်းရင်းမြစ်များ

Profet Daniel 9:3

Iara theome ghamu, aonu iara ne pipichi ka pohe te thona, eghuteuna iara gnokro pari ke kligna nakrofu, fagaglana gna nogu diꞌanagnafa na. Aonu iara tarai ne cheke eghu ka Lord nogu God, “God, iagho nomi funei ghehati. Iagho thofno fnakno fara. Iagho tajini fabrahu nou nhaꞌa cheke teke eni iagho baludi nou naiknore. Eghuteuna iagho namhadi iheire te namha nighore, ba iheire te leghudi nou cheke re.

Thoutonu Eigna Mae Job 42:6

Eghume, iara tirogu ghau thegu, eghuteuna iara gnokro lamna nakrofu nei ka gaughavu glose fagaglana gna te tughu nagnafa iara na.”

Fapea Samuel 13:19

Fagaglanagna nogna diꞌanagnafa na, naꞌa ne ghiha nakrofu ka phaꞌugna na ne rerheku nogna famane pohe na. Aonu naꞌa ne loku fafru tathagnare ne tanhi fabiꞌo ne tei.

Fapea Samuel 1:11

Mae Devet nomhini igne ne diꞌanagnafa gna fara, ne rerheku nogna pohe na. Mae te gnafa te au balugna mana igre jaola ne eni igne.

Thoutonu Eigna Mae Job 2:8

Job tei ne gnokro ka vido mala gnubra chara na, eghuteuna mana hata kaisei thina fnonu mala grahi thubu ka thinigna re.

Mae Khuru 14:14

Nu kate laseni mae Pol ghe mae Banabas unha te magnahaghei eni mare na, phiamare ne rerheku nodi pohere balu diꞌa tadi, ne chari ne tei farihoteidi naiknore balu eha fabiꞌo ne cheke eghu,

Matiu 11:21

Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Profet Sefanaea 1:14

Nogna Narane biꞌo Lord te mala fatedi naiknore igne la namo fara gognarona. Ka Narane biꞌo tuana naiknore ginauna mhaghu tanhi, neubane mae soldia te nheta fara igre, ginauna mhaghu tanhi kokhonidi. Naugna mare theo kaisei nodi grouronu ka ihei nate mei toghodi na.

Profet Maeka 1:8

Glepo te nomhidi iara igre, ginauna fadiꞌa nagnafa ghau nei fatanhi ghau eghu iara. Eghuteuna iara ginauna atha koko nogu pohe nei nogu sadol teu iara re, eghuteuna nolo tafri jateula mae te diꞌanagnafa nei tanhi teu fabrahu eigna ihei te lehe. Iara ginauna tanhi fabiꞌo jateula khuma mata, eghuteuna tanhi fadiꞌa jateula nakrudu.

Profet Esikiel 21:6

“Eghume, maegna ka nauthoglu, iagho mala diꞌanagnafa nei tanhi eghu ka tathadi naiknore, fagaglanagna nou diꞌanagnafa na.

Profet Isaia 58:5

Kate mala ghatho tahu ghau iara teu te theome ima na, ghotilo papara fara. Ghotilo pogho pari ghilei tei gefe jateula khakla gaju eghu pari phaꞌumire. Ghotilo tofa nakrofu ka nomi pohere mala thuru ke klignadi. Ba, na keli tagu iara ka nafnata puhi te edi ghotilo igre neu si ghotilo ia? Thono theo fara!

Profet Isaia 22:4

Eghume, te chekeni iara ka ghotilo na, ghotilo thosei fariuriu fameomegoni nagnafagu iara gne. Ghotilo lisa ghau iara mala tanhidi iara puhi te goigonidi mae naoka gre kherada tahati ra.

Profet Isaia 15:4

Naiknodi ka phei namono Hesbon ghe Eleale igre ne tanhi fabiꞌo. Naikno te au faligohodi phei namono igre te ghilei tei thoke ka namono Jaha te khaba fara igre, mare tangomana te nomhi laodi naogladi te paopado fabiꞌo naiknore igne. Aonu mae soldiadi Moab igre ne mhaghu nodi fara ne fififri kate nomhini mare te paopado fabiꞌo igne.

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Nogna Buka Esta 4:3

Kate toutonu te tei tongana mare ka provins te gnafa igre nogna cheke mae king igne, mae Jiu te gnafa te au ka provins igre ne kafe diꞌanagnafadi fara ne tanhi fabrahu. Mare tanhi fabiꞌo ne tirodi ima, nei tirodi koꞌu neu, kmana naikno Jiu ne pipichi ka pohe thapa ne thuru pari ka nakrofu.

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Jenesis 27:34

Kate nomhi mae Iso cheke te eni mae kmagna na igne, mana tanhi fabiꞌo ne cheke eghu, “Mama, fablahi ghau, iara la ngau eghu mama!”

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Nogna Buka Esta 4:2

Mana tei ne posa ka nogna grengatha mae King, nu mana theome tei ruma lamna suga. Naugna mae ihei te pipichi pohe te thapa jateula igne teuna, mana theome tangomana te tei ruma lamna ka sugagna King.

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Profet Isaia 37:1

Kate nomhini King Hesekaea nodi ripot mare igne, mana diꞌanagnafa gna fara ne rerheku nogna pohe na. Mana pipichi ka pohe thona ne tei ka nogna Sugablahi Lord na.

Profet Isaia 37:2

Eghuteuna mana ne kurudi phei nogna mae biꞌo igre, mae Eliakim ghe mae Sebna baludi keha mae pris biꞌo mala tei filoni mae profet Isaia, thugna mae Emos. Mare jaola ne diꞌanagnafadi fara ne pipichi ka pohe diꞌanagnafa na.

Profet Esikiel 21:11

Iara la tusu laohi naflahi igne ka mare mala fasiasigla. Ginauna fnonu nei siasigla fara eghu. La tarabanahi malagna mae ihei te falehe naikno.