Nogna Buka Esta 3:15 - Buka Blahi Ka Cheke Holo

¹⁵ Aonu mae te mala hata nonomho igre mare ghosei ne hata ne tei nonomho igne ka namono biꞌo Susa, nei ka kantri te gnafa te funei frunidi king Sekses. Kate nomhini cheke igne, naikno te gnafa te au ka namono biꞌo Susa ne funu nanga nodi fara, naugna naiknore theome laseni te eni mare vetula igne. Nu King ghe mae Haman ne thofno keli tadi fara ka vetula igne ne kafe gnokro pari ne koꞌu waen ka narane igne.

Nogna Buka Esta 3:15 ပူးပေါင်းရင်းမြစ်များ

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Jone 16:20

Tutuani fara te chekeni iara ka ghotilo na. Naiknogna nauthoglu igne ginauna keli tadi fara ka unha nate eni mare ka iara na. Eghuteuna ghotilo ginauna tanhi nei diꞌanagnafa eghu, nu nomi diꞌanagnafa ghotilo na nake figri kau gleale'a.

Thakle 11:10

Naiknogna nauthoglu igne ginauna gleale'a fara kate nomhini tela lehehi phei mae profet igre na. Aonu naiknore ginauna eꞌei gaghamu nei tufa namha fari thedi. Naugna phei mae profet igre neke paradi fara kmana naikno ka nauthoglu igne.

Profet Emos 6:6

Ghotilo koꞌu waen koba, nei ghiha famane oel te siri keligna ka thinimire. Nu ghotilo theome kokhonini kolho nomi kantri Israel nate mei mae naoka te goigoni igne.

Profet Hosia 7:5

Ka narane te eni king gaghamu na baludi nogna tothoghei funei na, mare koꞌu thaviru baludi mae te diꞌare ghilei fanoinoli tafri.

Proveb 29:2

Kate lida gna kantri mae te doglo na, naiknore kelitadi fara, nu jame te lida mae te diꞌa puhigna na, naiknore na diꞌanagnafa nei tanhi eghu.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Nogna Buka Esta 4:16

“Iagho tei kilo fodudi naikno Jiu te gnafa te au ke lamnagna namono biꞌo Susa mala thosei ima nei koꞌu eghu nabagna thilo narane nei thilo bongi. Eghuteuna iara baludi nogu gaꞌase gloku te au balugu igre ginauna jaola na theome ima nei koꞌu eghu. Aonu ke leghudi thilo narane igre, neuba iara ne huhughuni vetula na, iara ginauna tei filoni king. Eghuteuna, neuba iara ne lehe, iara mala lehe ngala.”

Ululahu Kings 14:27

Aonu King Rehoboam neke horo greoreo ka bras ke tughudi teke hata mare igre. Nodi komanda hatimare mae soldia te mala reireghi grengatha gna nogna suga biꞌo mae King, mana chekedi mare mala reireghi greoreo igre.

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Nogna Buka Esta 1:10

Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Proveb 31:4

Lemuel, theome doglo mae lida na te koꞌu te thaviru na, eghuteuna jame theome doglo mae biꞌo na te magnahaghei koꞌu beer fara na.