Nogna Buka Esta 3:13 - Buka Blahi Ka Cheke Holo

¹³ Hatimare mae te mala hata nonomho igre hata ne tei letas igre ka provins te gnafa gre. Igre cheke te au ka letas igne na, “Ka narane nabotho thiloi ka nhigra nabotho phei Ada, ghotilo mala kafe falehedi naikno Jiu te gnafa are mala theo kaisei naikno te karha na. Eghume mae nalhaꞌu majaghani, gaꞌase majaghani, mae biꞌo, naikno biꞌo nei goro sua teu are mala kafe lehe ka narane tuana. Ghotilo jaola mala hata fahui nodi glepo hatimare mae Jiu.

Nogna Buka Esta 3:13 ပူးပေါင်းရင်းမြစ်များ

Fapea Kronikols 30:6

King nei nogna mae biꞌore eghu neke riso tei ka namono te gnafa re neke cheke eghu: “Ghotilo naiknomi Israel teke karha teku ke leghugna narane teke mei goigoni ghita armigna Asiria ia. Ghotilo mala ke pulo mei ka Lord nogna God mae Ebraham, nei mae Isak nei mae Jekop. Jame teke pulo mei ghotilo ka mana na, mana ginauna nake pulo mei ka ghotilo.

Ululahu Samuel 15:3

Ghotilo tei magra ka mare, eghuteuna ghotilo mala goigoni fahui nodi gobigna lepo mare are, eghuteuna thosei lisa faleghu kaisei glepo. Eghuteuna ghotilo mala kafe aknu falehe mae nalhaꞌu baludi goro gaꞌase, goro sua, nei goro sua gegeꞌe. Eghuteuna ghotilo mala jaola aknu falehe nodi buluka, sipu, kamel, nei nodi dongki teu mare re. Gobigna lepo igre mala jateula fafara eghu mala tusu lao ka Lord.’ ”

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Letas Teke Riso Tei Mae Pol Ka Khiloau Rom 3:15

“Mare ghosei ne tei falehedi naiknore,

Profet Jeremaea 51:31

Mae te mala atha cheke re ginauna chari tei cheke ka king tela athahi mae naoka nogna namono mana igne.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Thoutonu Eigna Mae Job 9:25

“Gognarona, iara haimini narane ka nakarhagu iara na gre ghosei chari salaꞌu kolho. Theo kaisei glepo te keli kolho te thoke mei ka nakarhagu iara na.

Nogna Buka Esta 7:4

Kaisei mae la fatei chekehi te mala falehe ghau iara baludi nogu naikno iara igre. Mana magnahaghei te falehe ghami ghehati hui gognarona. Jame magnahaghei ghami ghehati mala nou naikno gloku kolho iagho meuna, iara jame theome chekeni igne. Naugna igne theome puhi biꞌo mala nanga nou iagho. Nu mae igne magnahaghei te kafe falehe ghami ghehati hui!”

Nogna Buka Esta 8:5

“King, jame te doglo ka gaoghathomu iagho na unha nate chekeni iara ka iagho igne, iara magnahaghei nigho iagho te eni kaisei vetula mala thosei eni nogna cheke mae Haman gne, eghuteuna iagho fatei cheke ka nou mae funei ra mala thosei falehe ghami ghehati naiknomi Juda. Naugna mae Haman neke ghaoghaho mala falehe ghami ghehati naikno Jiu te au ke lamnagna nou kantri iagho igne.

Nogna Buka Esta 9:1

Nogna cheke king igne ne thoke mei ka narane nabotho thiloi gna nhigra Ada. Narane igne neke vavahi mae Haman ka nanghagna king mala aknu falehe naikno Jiu te gnafa ka kantri igne. Nu narane igne ne theome jateula teke ghathoni mae Haman igne neu. Theo, naikno Jiu igre ne uludi nodi naoka re.

Nogna Buka Esta 9:5

Eghume, gognarona mae Jiu igre, mare falehedi nodi naokare, leghuni unha teke ghathoni mare na.