Nogna Buka Esta 3:10 - Buka Blahi Ka Cheke Holo

¹⁰ Mae king ne hata koko ring balu nanghagna thegna te au ka geghesugna na ne tusu lao ka mae Haman, nodi naoka hatimare mae Jiu.

Nogna Buka Esta 3:10 ပူးပေါင်းရင်းမြစ်များ

Nogna Buka Esta 8:2

King ne vahini mae Modikae te mala nogna mae Praeminista tughuni mae Haman. Eghuteuna mana ne hata ring te au nanghagna thegna teke hata fapulo ka mae Haman na ne nhaꞌa lao ka geghesu gna mae Modikae na. Eghuteuna Esta ne snakre lao ka mae Modikae gobigna lepo teke nogna mae Haman igre mala reireghi mana.

Jenesis 41:42

Aonu mae king ne hata koko u ring teke au ka gegesugna thegna na ne lisei lao ka gegesugna mae Josep na. U ring igne au nanghagna mae king. Mae king ne jaola ne fapipichi lao kaisei famane pohe ka mae Josep eghuteuna fa bao lao kaisei chen gol ka mana.

Nogna Buka Esta 7:6

Esta ne cheke eghu, “Iara chekeni mae Haman kolho. Mae igne nomi naoka ghehati, eghuteuna mana gognarona tarabana mala falehe ghami ghehati.” Kate nomhini igne, mae Haman ne thofno mhaghu nogna fara ke uludi King ghe Kuin.

Nogna Buka Esta 8:8

Nu nogu cheke iara igre la rioriso soruhi mare balugna nogu fagaglana iara na. Eghume theome tangomana kaisei naikno na teke tuthughu nogu cheke iara igre. Nu ghopa tangomana te rioriso kaisei cheke majaghani mala toghodi naiknodi Juda. Ginauna ghopa rioriso unha te doglo ka gaoghathomi ghopa na, eghuteuna hata nogu ring iara gne mala lilisei nogu fagaglana iara na tagna, eghuteuna fatei ka nanghagu iara.”

Nogna Buka Esta 3:1

Theome raugha ke leghugna igne, King Sekses ne vahini mae Haman, thugna mae Hamedata, kaisei mae ka vikegna mae Agag mala kaisei nogna mae Praeminista.

Nogna Buka Esta 3:9

Eghume, jame te keli na, iagho fatei cheke ka naikno te gnafa te au heva heva ka namono igre mala aknu falehe naikno igre. Jame te leghuni iagho unha te chekeni iara igne na, iara ginauna na tusu ari ka iagho nabotho thogha silva maladi nou gloku iagho igre eghuteuna iara ginauna lilisei sileni igne ka nogna tresari King.”

Nogna Buka Esta 3:11

Aonu mae King Sekses ne cheke eghu ka mana, “Sileni nei naikno teu igre nou iagho. Iagho tangomana te eni unha te magnahagheni iagho na.”