Nogna Buka Esta 2:7 - Buka Blahi Ka Cheke Holo

⁷ Mae Modikae neke taego kaisei sua gaꞌase, nanghagna na Esta. Nu nanghagna naꞌa igne ka cheke Hibru na, Hadasa. Naꞌa kaisei famane gaꞌase fara. Kate lehe idogna kmagnare, mae Modikae ne tajini naꞌa ne ghilei gaꞌase biꞌo. Nanghagna kmagna Esta na, mae Abihael, nebugna mae Modikae.

Nogna Buka Esta 2:7 ပူးပေါင်းရင်းမြစ်များ

Nogna Buka Esta 2:15

Ka fabotho nhigra te kiloni mare Tebet, ka fafitu finogha te funei king Sekses igne, mare hatani Esta ne tei au balugna mana kaisei bongi thongana. Esta gne kaisei famane gaꞌase fara, eghuteuna naikno te filoni naꞌa re keli tadi fara ka naꞌa. Ka narane igne, naꞌa ne pipichi pohe teke chekedi mae Hegae ka naꞌa re.

Efesus 6:4

Iara magnahaghei cheke ka ghotilo mae iheire te kmadi suara, thosei eni kaisei puhi ba cheke te mala diꞌa tadi fara thumire. Nu ghotilo taji fakelidi nei farirhiudi eghu ka puhida tahati naikno khiloau.

Fapea Korin 6:18

“Eghuteuna iara ginauna jateula Kmami eghu ghotilo, eghuteuna ghotilo ginauna jateula thugu nalhaꞌu nei gaꞌase eghu iara. Iara God mae ihei te au nolaghi te gnafa te chekeni igne.”

Nogna Buka Esta 1:11

Mana kurudi mae igre mala tei chekeni Kuin Vasti mala fahaghe nogna khepi nafnakno na mala mei kegra ke ulugna. Mana magnahaghedi nogna mae funei nei naikno teu te au ka gaghamu igre te filoni naꞌa, naugna Kuin Vasti igne kaisei famane gaꞌase fara.

Jenesis 48:5

Eghuteuna mae Jekop ne jaola ne cheke eghu, “Iara na cheke eidi phei mae thumu iagho teke karha agne Ijep gre kani teke theome mei nga teku iara ka iagho agne na, mae Manase ghe mae Efraim gre. Funu gognaro te haghe na phei mae sitei igre ginauna na jateula te thofno mae thugu eghu iara ngala ka tathadi naiknore mala jateula mae Ruben ghe mae Simion gre eghu.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Nogna Buka Esta 2:20

Tifa na, mae Modikae neke cheke ranghini Esta mala thosei cheke thakleni thegna te kaisei thau Jiu na. Aonu Esta gne thofno leghuni koba nogna cheke mae Modikae re funu sua gna. Eghume naꞌa ne leghuni koba chekegna mae Modikae na gognaro na.

Nogna Buka Esta 8:1

Ka narane igne, King Sekses ne snakre lao nogna suga, nei nogna gobigna lepo teku mae Haman, nodi naoka naiknodi Juda igre, ka Kuin Esta. Eghuteuna ke leghugna igne, Esta ne cheke thakleni ka king, eigna mae Modikae gne te nebugna thegna na, aonu king ne snakreni mae Modikae te mala mei te filoni koba mana na.

Thoutonu Eigna Mae Job 31:17

Leghu narane na iara tufa ghedi gano goro sua tela lehehi kmadi ra.

Thoutonu Eigna Mae Job 31:18

Leuleghu fata ka nakarhagu iara na, iara reireghi fakelidi iheire te theo kmadi, eghuteuna iara togho haghedi goro naikno biꞌo tela lehehi khetodi ra.