Nogna Buka Esta 2:4 - Buka Blahi Ka Cheke Holo

⁴ Aonu jame te filoni iagho kaisei ka rehati te famane tulao filogna na, tuana ngala nate vahini iagho te mala Kuin tughuni Kuin Vasti.” Kate nomhini igne, mana keli tagna fara ne leghuni unha te chekeni mare na.

Nogna Buka Esta 2:4 ပူးပေါင်းရင်းမြစ်များ

Matiu 20:16

Aonu, leghu lahu na mae Jisas ne cheke eghu, “Eghume, kmana naikno te au leghu lahu ka nakarha gognaro gne nake au ului. Eghuteuna kmana naikno te au ulu ka nakarha gognaro gne nake au leghui.”

Matiu 14:6

Kau narane ghatho fapulo teke karhagna mae Herod, thugna gaꞌase Herodias mei ne ragi ke ulugna mae Herod nei hatimare mae nogna tothoghei nafnaknore kau gaghamu na. Mae Herod ne thofno gleale'a fara ka naꞌa.

Matiu 22:14

Ke leghugna igne mae Jisas ne cheke eghu, “Uve, kmana naikno God neke kilodi. Nu keha ghu ngala teke vahidi re.”

Nogna Buka Esta 1:21

King baludi nogna funeire ne thofno keli tadi fara ka gaoghatho igne. Aonu King ne leghuni unha te chekeni mae Memukan igne.

Fapea Samuel 17:4

Mae Absalom baludi mae mala baubatu Israel igre nomhini igne ne kelitadi fara.

Nogna Buka Esta 2:3

Aonu iagho vavahi keha mae funei ka provins te gnafa igre mala hiro meidi keha gaꞌase majaghani mala hata mei au agne Susa ka sugadi khetomu iagho igre. Eghuteuna nou mae gloku iagho, mae Hegae mae te mala reireghidi fapea khetomu iagho igne te mala fiofilodire. Mana ginauna tufa oel mala ghiha ka thinidire nei mala famane fara fifilodire.

Nogna Buka Esta 2:5

Aonu kaisei maegna Juda te au ka namono biꞌo Susa. Nanghagna na, mae Modikae thugna mae Jaea, thugna mae Simei, thugna mae Kis vikegna mae Benjamin.

Nogna Buka Esta 2:19

Ka fapea fata te kafe mei gaꞌase igre, king Sekses ne vahini mae Modikae mala kaisei nogna mae minista.