Nogna Buka Esta 2:21 - Buka Blahi Ka Cheke Holo

²¹ Kate loku mae Modikae ranghini king Sekses igne, phia mae ne diꞌatadi ka king. Aonu phia mare ne ghaoghaho mala faleheni mana. Nanghadi phia mae igre, mae Biktana ghe mae Teres. Phia mae igre nodi gloku na mala reireghi grengatha gna nogna chogho king.

Nogna Buka Esta 2:21 ပူးပေါင်းရင်းမြစ်များ

Nogna Buka Esta 6:2

Aonu mare ne iuꞌiju eigna mae Modikae te cheke faheta ka King eidi mae Biktana ghe mae Teres. Phei mae igre mae mala reireghi nogna chogho mae king. Phei mae igre ne fariu riu hironi kaisei nabrou te mala faleheni mae king.

Nodi Khoje Hatimare Mae Jiu 144:10

Iagho themu ngala te toghodi hatimare mae king di Israel gre te ulu koba mare kau magra na. Iagho themu ngala teke fakarhini mae king Devet nou mae gloku iagho ia.

Fapea Kings 21:23

Nogna mae funei mana re ne roghe poru ne aknu faleheni mana ka nogna suga na.

Fapea Kings 12:20

Mae Josabad thugna mae Simeata ghe mae Jehosabad thugna mae Soma, phei nogna mae biꞌo King Joas igre ne ghaoghatho mala faleheni mana. Aonu phiamare ne aknu faleheni mana Jerusalem ka vido teke fasasare mare rhegna nabrou te tei posa Sila. Mare ne giugiluni mana ka bekudi mae kuꞌegna re ka nogna namono biꞌo mae King Devet, eghuteuna thugna mana, mae Amasaea igne neke king tughuni mana.

Ululahu Kings 16:9

Simri kaisei mae komanda, mana mala magra ka King Ela. Mae Simri mae funeigna kaisei nogna tothoghei chariot. Aonu mae Simri ne hironi kaisei nabrou te mala faleheni King Ela. Kaisei narane, king au neu Tiasa, mana koꞌu waen neu ka sugagna mae Arasa mae ihei te mae biꞌo ka sugagna king.

Fapea Samuel 16:11

Mae Devet jaola ne cheke eghu ka mae Abisae, nei ka hatimare mae biꞌo, “Mae thugu iara Absalom magnahaghei te falehe ghau iara, eghuteuna mae Simei vikegna mae Benjamin igne jaola magnahaghei te cheke fadiꞌa ghau iara! Ghotilo lisa lao mala lelheghu ka mana, glahula Lord snakreni mana mala cheke fadiꞌa ghau iara.

Esra 4:6

Ke leghugna tela lehehi King Darius, King Sekses ne funu funei fruni Pesia. Eghuteuna ka narane igre hatimare mae naoka gre ne rioriso tei kaisei letas ka king mala fatedi naikno te au Juda nei Jerusalem eigna gloku igne.

Nogna Buka Esta 2:19

Ka fapea fata te kafe mei gaꞌase igre, king Sekses ne vahini mae Modikae mala kaisei nogna mae minista.

Profet Daniel 2:49

Mae Daniel ne toreni mae king eidi mae Sadrak, mae Misak nei mae Abenegho mala funeidi gloku te gnafa ke lamnagna provins Babilonia. Eghuteuna mae Daniel ne loku ka sugagna mae king.

Nogna Buka Esta 6:1

Ka bongi igne, king ne theome thuru. Aonu mana ne chekedi nogna mae glokure mala hata mei ka mana buka te rioriso mare glepo te edi ke lamnagna nogna kantri na mala iuꞌiju ranghini.