Nogna Buka Esta 10:3 - Buka Blahi Ka Cheke Holo

³ Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.

Nogna Buka Esta 10:3 ပူးပေါင်းရင်းမြစ်များ

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Letas Teke Riso Tei Mae Pol Ka Khiloau Rom 10:1

Kheraguro, iara thofno magnahagheni fara God te mala fakarhidi hui mae Jiu gre. Igne nogu tharai iara ka God na.

Profet Daniel 5:29

Kate nomhini cheke igne, King Belsasa ne chekedi nogna mae glokure mala hata mei nogna pohe king na mala fapichi mae Daniel. Eghuteuna fabaꞌo lao kaisei chen gol ka mana. Aonu mana ne vahini mae Daniel mala fatilo nogna mae funei biꞌo ka nogna kantri na.

Fapea Kronikols 28:7

Ka narane tuana, Sikri kaisei soldia rheta gna Efrem, mana ne aknu falehe thilo mae biꞌo di Juda: mae Masea, thugna King Ehas, mae Asrikam mae biꞌo ka suga gna king, nei mae Elkana nogna mae nafnakno biꞌo king.

Jenesis 41:40

Iara vahi nigho iagho mala kaisei mae funei biꞌo ka namonogu iara igne, eghuteuna nogu naikno iara igre mala nomhidi nou cheke iagho re. Iara mae king, eghuteuna kaisei nanghagu iara igne ngala nate au ke klignamu iagho na.”

Profet Daniel 5:16

Nu te nomhini iara na, iagho tangomana te rurutha gaoghathodi glepo te poru igre. Eghume, jame te iu'iju iagho grioriso igre nei rurutha gaoghathodi cheke igre teuna, iara ginauna vahi nigho iagho mala fatilo nogu mae funei ke lamnagna kantri igne. Eghuteuna iara ginauna fapipichi ari ka iagho nogna pohe king na, eghuteuna iara ginauna na fabaꞌo ari ka iagho kaisei chen gol.”

Nogna Buka Esta 3:2

Aonu king ne cheke ranghidi nogna mae funei re mala pogho soru nei turupuku eghu ke ulugna mae Haman. Nu mae Modikae ne tirogna turupuku, ba fafnaknoni mana.

Ululahu Samuel 23:17

Mae Jonatan ne cheke eghu ka mana, “Thosei mhaghu, mae kmagu iara na theome tangomana te falehe nigho iagho na. Eigna iagho ginauna mala king gna Israel, eghuteuna iara mala mei fapea ka iagho.”

Profet Daniel 6:3

King ne filoni nogna gloku mae Daniel na thofno keli fara uludi nodi gloku keha phei mae funei te loku balugna mana igre, ba mae minista te gnafa igre. Aonu mae king ne ghaoghatho mala vahini mae Daniel te mala kaisei mae funei biꞌolahu ka kantri igne.

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Ululahu Samuel 18:16

Nu naiknodi Juda nei Israel teu igre ne magnahagheni fara mae Devet, naugna mana kaisei mae lida te uludi koba nogna naokare.

Nogna Buka Esta 2:5

Aonu kaisei maegna Juda te au ka namono biꞌo Susa. Nanghagna na, mae Modikae thugna mae Jaea, thugna mae Simei, thugna mae Kis vikegna mae Benjamin.