Nogna Buka Esta 10:2 - Buka Blahi Ka Cheke Holo

² Mare rioriso soru thoutonu eigna nogna nafnakno nei nogna nolaghi eghu king Sekses. Nei unha teke edi mae King ranghini mae Modikae, eghuteuna vahini mana mala kaisei nogna mae funei biꞌo ka nogna kantri na. Mare ne rioriso soru cheke igre ka nodi buka hatimare mae king di phei kantri Pesia ghe Media.

Nogna Buka Esta 10:2 ပူးပေါင်းရင်းမြစ်များ

Nogna Buka Esta 8:15

Mare ne fapichi lao ka mae Modikae pohe te jateula blu teu, ne pohei te vegha. Mare ne fapichi lao kaisei phoko ukru te brahu, nei kaisei khepi nafnakno te gol ka mana, aonu mana ne jifla mei ka suga gna king. Aonu naikno te gnafa ka vido te gnafa ke lamnagna namono biꞌo Susa igre ne kafe eha fabiꞌo balu gleale'a.

Nogna Buka Esta 9:4

Naikno te gnafa ka kantri igne ne kafe laseni mae Modikae. Mana gognarona thofno nolaghi biꞌo, naugna King neke vahini mana mala mae praeminista.

Nogna Buka Esta 2:23

Kate nomhini king te tutuani puhi igne, king ne chekedi nogna mae gloku re mala hata phei mae igre mala haru gnarho ka graradire mala fagefe haghe ka gaju na mala lehe phia mare. Aonu King ne cheke ka nogna mae gloku re mala rioriso soru puhi igne ka buka te mala rioriso soru unha te edi ke lamnagna nogna kantri na.

Nogna Buka Esta 6:1

Ka bongi igne, king ne theome thuru. Aonu mana ne chekedi nogna mae glokure mala hata mei ka mana buka te rioriso mare glepo te edi ke lamnagna nogna kantri na mala iuꞌiju ranghini.

Profet Daniel 2:48

Aonu mae King Nebukadnesa ne tusu lao nolaghi biꞌo nei tusu lao keha glepo ka mae Daniel, eghuteuna vahini mana mala Primia gna Babilonia, nei mala mae funeidi hatimare mae glalase te gnafa ka kantri tuana.

Nodi Khoje Hatimare Mae Jiu 18:35

God, iagho fakarhi ghau iara ka khamedi naoka gre. Iagho pophoru ghau iara ka nou greoreo iagho ana. Iagho loku haghedi khamegu gre mala kegra heta iara. Kate cheke tughuni iagho nogu thore iara na, iara na fnakno ka tathadi naikno gre.

Ululahu Kings 22:39

Keha glepo teke edi King Ehab, nei keha glepo teke lalaoni mana lamna suga ka khe'i elefant, nei thoutonu eigna namono biꞌo teke bara teke lithui mana ka thina igre, eghu mare neke rioriso soru ka Buka Eidi Glepo Teke Edi Hatimare Mae King Di Israel.

Ululahu Kings 14:19

Keha glepo teke edi King Jeroboam kani teke funei fruni, nei magra teku teke edi mana igre, mare neke rioriso ka Buka Eidi Glepo Teke Edi Hatimare Mae King Di Israel.

Ululahu Kings 11:41

Keha thoutonu eigna King Solomon, baludi gobigna lepo teke edi mana re, nei nogna famane cheke teu mana igre mare neke rioriso soru ka buka eigna mana.

Nogna Buka Esta 8:2

King ne vahini mae Modikae te mala nogna mae Praeminista tughuni mae Haman. Eghuteuna mana ne hata ring te au nanghagna thegna teke hata fapulo ka mae Haman na ne nhaꞌa lao ka geghesu gna mae Modikae na. Eghuteuna Esta ne snakre lao ka mae Modikae gobigna lepo teke nogna mae Haman igre mala reireghi mana.