Nogna Buka Esta 10:1 - Buka Blahi Ka Cheke Holo

¹ King Sekses magnahaghedi naikno te au ka namono te gnafa ke lamnagna nogna kantri na te foli takis, neubane tei posa namono biꞌo te au ke tongna.

Nogna Buka Esta 10:1 ပူးပေါင်းရင်းမြစ်များ

Profet Isaia 24:15

Eghuteuna naikno te au ke maghati ra ginauna ghatho tahuni Mana. Naikno te au ke raru ra cheke fakelini nanghagna Lord, nodi God mae Israel.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Luku 2:1

Ka narane tuana, mae Funei Sisa Aghastus gna Rom na ne eni kaisei vetula mala riso nanghadi naikno te gnafa te au ka provins fateo te funei frunidi mana re.

Profet Daniel 11:18

Ke leghudi narane igre, king gna Siria ginauna tei magra ka kantri te au ka geri thongna, eghuteuna mana ginauna hata kmana namono biꞌo ka mare. Nu kaisei nodi mae mala baubatu keha kantri are ginauna uluni mana, eghuteuna nogna fahaehaghe mana na ginauna gnafa. Mae mala baubatu igne ginauna tapla faparini nogna nolaghi mana na, eghuteuna mana ginauna na theome tangomana nate fahaehaghe fara na.

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Nogna Buka Esta 8:9

Mare ne eni igne ka narane varadaki thiloi gna fatilo nhigra, Sivan. Mae Modikae ne kilo fodudi hatimare nogna mae sekretri te gnafa mae king igre ne rioriso soru kaisei cheke ka nanghagna King. Cheke igne ne tei ka mae Jiu te gnafa, ka nogna tothoghei minista te gnafa, ka nogna tothoghei mae primia te gnafa nei ka hatimare mae biꞌo te gnafa ke lamnadi kaisei gobi varadaki fitu provins, funu ka kantri India ke maghati na tei posa ka kantri Itiopia ke mosu na. Mare ne rioriso cheke igne ka nodi cheke provins te gnafa nei ka nodi cheke hatimare mae Jiu.

Nogna Buka Esta 1:1

Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Jenesis 10:5

Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.