Nogna Buka Esta 1:13 - Buka Blahi Ka Cheke Holo

¹³ Leuleghu fata na, king magnahaghei te ghusnadi iheire te lasedi vetulare mala toghoni kate thoke mei nafnata puhi igre.

Nogna Buka Esta 1:13 ပူးပေါင်းရင်းမြစ်များ

Ululahu Kronikols 12:32

Ka vikegna mae Isaka, mare au phei gobi ofisa balu nodi soldia. Mae ofisa igre au tadi gaoghatho te keli, nei lasedi unha glepo te thoke mei ba unha glepo te edi naiknodi Israel.

Ululahu Kronikols 12:33

Ka vikegna mae Sebulun, mare au glima fulu thogha soldia te nheta tulao. Mare kaisei gaoghatho kolho te mala toghoni mae Devet ne mei balu nodi thua nafnata glepo mala magra.

Nogna Buka Esta 1:12

Nu kate tei cheke mare na, naꞌa ne tirogna te mei filoni king. Aonu kate nomhini igne, king ne thono diꞌatagna fara ka puhi te eni naꞌa igne.

Profet Jeremaea 10:7

Naikno te gnafa igre mala ghatho tahu nigho iagho, naugna iagho king frunidi kantri te gnafa igre. Theo kaisei mae glalase ba mae king te jateula iagho teu ka vido te gnafa ka nauthoglu igne.

Profet Daniel 2:12

Kate nomhini nodi cheke mare igne, king ne thofno diꞌatagna fara. Aonu mana ne cheke eghu ka mare, “Ghotilo mae glalase te gnafa Babilonia igre mala lehe.”

Profet Daniel 2:2

Aonu mana ne kilo meidi nogna mae glalase te gnafa, nogna mae khaekae te gnafa, nogna mae kastom te gnafa, nei nogna mae glalase te lasedi gobigna lepo fateote'o te gnafa. Mana ne kilo meidi mae igre mala rurutha ranghini gaoghathogna mifi igne.

Profet Daniel 2:27

Mae Daniel ne cheke eghu ka mana, “King, theo kaisei mae khaekae, ba kaisei mae kastom, ba kaisei mae glalase te tangomana te ruruthani unha te magnahagheni iagho igne.

Profet Daniel 5:7

Aonu mana ne ehadi hatimare mae biꞌo mala kilo meidi nogna mae khaekae, nogna mae kastom, nogna mae naitu nhaghe nei hatimare mae glalase. Kate mei mare na, mana ne cheke eghu ka mare, “Ihei ka ghotilo te tangomana te iu'ijuni grioriso igne, eghuteuna rurutha gaoghathogna grioriso igne teuna? Iara ginauna vahini mana mala fatilo mae funei biꞌo ke lamnagna kantri Babilonia. Eghuteuna iara ginauna fapichi lao nogna pohe king na ka mana. Eghuteuna fabaꞌo lao kaisei chen gol ka graragna mana na mala fafnaknoni mana.”

Matiu 16:3

Eghuteuna fei hamerane na ghotilo cheke eghu, ‘Uve, ginauna nake nakhete naugna maloa gne kela ghoghomo fabrahu.’ Eghume ghotilo laseni fara gaoghathodi glepo igre kate filo glani ghotilo maloa gne. Neuba ghotilo theome laseni ngala puhigna God te doglo na! Nu ghotilo mae chaichaghi kolho, naugna ghotilo ne theome tangomana te filo glanidi kolho unha te edi God gognaro gre.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.