Nogna Buka Esta 1:12 - Buka Blahi Ka Cheke Holo

¹² Nu kate tei cheke mare na, naꞌa ne tirogna te mei filoni king. Aonu kate nomhini igne, king ne thono diꞌatagna fara ka puhi te eni naꞌa igne.

Nogna Buka Esta 1:12 ပူးပေါင်းရင်းမြစ်များ

Jenesis 3:16

Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Nogna Buka Esta 1:11

Mana kurudi mae igre mala tei chekeni Kuin Vasti mala fahaghe nogna khepi nafnakno na mala mei kegra ke ulugna. Mana magnahaghedi nogna mae funei nei naikno teu te au ka gaghamu igre te filoni naꞌa, naugna Kuin Vasti igne kaisei famane gaꞌase fara.

Nogna Buka Esta 1:13

Leuleghu fata na, king magnahaghei te ghusnadi iheire te lasedi vetulare mala toghoni kate thoke mei nafnata puhi igre.

Nogna Buka Esta 7:7

King nomhi cheke igne ne thofno diꞌatagna fara, aonu mana kegra haghe ne jifla kosi. Kate filoni te jifla King na, mae Haman lasenihi King ginauna faleheni mana. Aonu mana au neu lamna suga ne toreni Esta mala thosei faleheni.

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Nodi Khoje Hatimare Mae Jiu 79:5

Lord God, ba? Iagho na diꞌatamu fabrahu ka ghehati? Ba? Na brana fabrahu diꞌatamu na ka ghehati jateula khaꞌaghi eghu?

Eksodas 32:19

Kate mei namo Moses ka vido te au teu naiknore tagna na, mana ne filo teidi naikno te ragi faligohoni teu mumuju buluka teke horo mare ka gol igne, mana thono diꞌatagna fara ne koko soru pari phei thina teke pala teke mei mana igre ne bruja ka phesigna thogele igne.

Eksodas 32:22

Eron ne cheke eghu, “Funei, thosei diꞌatamu ka iara. Iagho themu lasedihi naikno igre magnahaghei fara te leghudi puhi te theome doglo re.

Proveb 19:12

Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.

Profet Daniel 2:12

Kate nomhini nodi cheke mare igne, king ne thofno diꞌatagna fara. Aonu mana ne cheke eghu ka mare, “Ghotilo mae glalase te gnafa Babilonia igre mala lehe.”

Profet Daniel 3:13

Kate nomhini King Nebukadnesa cheke igne, mana ne thofno diꞌatagna fara ne cheke faheta fara ka mare mala hata tei thilo mae igre ka mana. Aonu mare hata ne tei thilo mae igre ka king.

Profet Daniel 3:19

Kate nomhini King Nebukadnesa igne, mana ne diꞌatagna fara ka mae Sadrak, mae Misak nei mae Abenegho. Aonu mana ne cheke faheta ka nogna mae glokure mala eni khaꞌaghi na mala brana fara nabagna fitu fata salaꞌuni teke ului na.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.

Efesus 5:22

Ghotilo gaꞌase tholaghi ra leghudi khetomi are jateula ghotilo te leghuni Lord eghu.

Efesus 5:24

Eghuteuna ka puhi khiloau te leghuni Kraes igne, gaꞌase tholaghire mala jaola leghudi fabrahu khetodire.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Ululahu Pita 3:1

Jaola gaꞌase tholaghi ra, mala leghudi khetomire. Tutuani keha mae re theome fatutuaniu ngala chekegna God na. Te keli na puhimi ghotilo re jame te mala korho meidi mala fatutuani mare. Jame te eni ghotilo igne na, ghotilo theome naba te chekeni kaisei glepo ka mare na.