Nogna Buka Esta 1:1 - Buka Blahi Ka Cheke Holo

^1-2 Igre glepo teke edi king Sekses ka finogha teke khegra funei mana ka kantri Pesia. Mana neke funei frunidi kaisei gobi varadaki fitu provins, funu India tei posa ke mosu ka kantri Kus. Eghuteuna mana au soru ka namono biꞌo Susa.

Nogna Buka Esta 1:1 ပူးပေါင်းရင်းမြစ်များ

Esra 4:6

Ke leghugna tela lehehi King Darius, King Sekses ne funu funei fruni Pesia. Eghuteuna ka narane igre hatimare mae naoka gre ne rioriso tei kaisei letas ka king mala fatedi naikno te au Juda nei Jerusalem eigna gloku igne.

Nogna Buka Esta 10:1

King Sekses magnahaghedi naikno te au ka namono te gnafa ke lamnagna nogna kantri na te foli takis, neubane tei posa namono biꞌo te au ke tongna.

Nogna Buka Esta 2:3

Aonu iagho vavahi keha mae funei ka provins te gnafa igre mala hiro meidi keha gaꞌase majaghani mala hata mei au agne Susa ka sugadi khetomu iagho igre. Eghuteuna nou mae gloku iagho, mae Hegae mae te mala reireghidi fapea khetomu iagho igne te mala fiofilodire. Mana ginauna tufa oel mala ghiha ka thinidire nei mala famane fara fifilodire.

Nogna Buka Esta 8:9

Mare ne eni igne ka narane varadaki thiloi gna fatilo nhigra, Sivan. Mae Modikae ne kilo fodudi hatimare nogna mae sekretri te gnafa mae king igre ne rioriso soru kaisei cheke ka nanghagna King. Cheke igne ne tei ka mae Jiu te gnafa, ka nogna tothoghei minista te gnafa, ka nogna tothoghei mae primia te gnafa nei ka hatimare mae biꞌo te gnafa ke lamnadi kaisei gobi varadaki fitu provins, funu ka kantri India ke maghati na tei posa ka kantri Itiopia ke mosu na. Mare ne rioriso cheke igne ka nodi cheke provins te gnafa nei ka nodi cheke hatimare mae Jiu.

Nogna Buka Esta 9:30

Repa neke fatei letas igne ka mae Jiu te au ke lamnadi kaisei gobi varadaki fitu provins te funei frunidi mae King Sekses. Ka letas igne repa neke cheke ranghidi mae Jiu te gnafa igre mala au ka pharikeli.

Profet Isaia 18:1

Igne unha te chekeni Lord eigna kantri Kus, “Kokhonidi fara naikno te au ka kantri Kus! Mare kuruni kaisei mae mala hata tei nonomho ka keha kantri are mala nhaꞌa cheke baludi mare. Mare tei ka vaka teke horo ka kaisei nafnata buburu brahu te mala feo te mala faghosei te tei na. Mare tei tafri jateula cheche te taitanhi fara baghidire kate flalo ra neu. “Ghotilo mae te mala hata nonomho ra faghose tei! Ghotilo ke figri ka nomi kantri te au kmana khoꞌu tela fnota ra, eghuteuna naiknodire brahu fara, eghuteuna thinidire famane salhu fara. Ghotilo ke figri ka naikno te nheta nei tangomana te paradi koba naiknore teura. Uve, naikno heva te heva ka nauthoglu igne mhaghu ghami fara ghotilo.

Profet Isaia 37:9

Ka narane igne, kaisei nonomho ne thoke mei ka Senakerib, king gna Asiria. Mana nomhini King Tiahaka gna ka kantri Kus mei balu nogna armi mala magra ka mare. Kate nomhini igne, mana kurudi keha nogna mae gloku. Mana ne cheke eghu ka mare,

Profet Daniel 11:2

“Eghuteuna gognarona iara ginauna toutonuni glepo te tutuani igne. Thilo mae king ginauna funei frunini kantri Pesia. Eghuteuna ke leghu na, fafati king na ginauna kegra haghe. Mae igne kaisei mae dedei fara uludi keha thilo mae king ululahu igre. Eghuteuna kate haghe te thono nheta fara naugna te dedei fara na, mana ginauna tei magra ka king gna Gris.

Profet Daniel 6:1

King Darius ne vavahi kaisei gobi varadaki mae minista mala funei ke lamnagna nogna kantri na.

Profet Daniel 9:1

Darius, thugna King Sekses ka kantri Media te king gna Babilonia gognarona.