Nehemaea 9:32 - Buka Blahi Ka Cheke Holo

³² “Nomi God, iagho fnakno fara nei au nolaghi biꞌo fateote'o, eghume ghehati mhaghu nomi te mei namo ka iagho na. Leuleghu fata na iagho tajini nou nhaꞌa cheke na neke ghatho tahu ghami ghehati. Funu ka narane teke mei king di Asiria teke goigoni ghami ghehati te ghilei mei posa ka narane gognarogne, ghehati au papara fara. Nomi king, nomi lida, nomi pris, nomi profet, nei kuꞌemi teku ghehati tifa ra, ghehati te gnafa na neke kafe au papara fara. Eghume puhi biꞌo igne theome tei koko ghami ghehati ghilei mei posa gognarogne.

Nehemaea 9:32 ပူးပေါင်းရင်းမြစ်များ

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Profet Daniel 9:8

Lord, hatimare mae king, nei hatimare mae funei nei hatimare mae kuꞌemi ghehatira, ghehati te gnafa na kafe edi unha te naba te mala mamajadi re, eghuteuna ghehati tapla jafra ke ulumu iagho.

Profet Daniel 9:6

Ghehati theome fanomho ka nodi cheke hatimare mae profet, nou mae gloku iagho igre. Iagho neke kuru mei mae igre mala cheke ranghidi nomi mae king, nomi mae funei, kuꞌemi ba kavemi, nei iheire fateo te au ka kantri Israel.

Nodi Khoje Hatimare Mae Jiu 66:5

Tore, mei si ghotilo, mala filodi glepo te biꞌo te edi God igre. Uve, mei si ghotilo mala filodi gloku te biꞌo fara te edi mana farihoteidi naiknore igre.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 47:2

Tahati mala mhaghuni Lord. Mana God te fnakno kligna lahu. Mana te mae nolaghi fara te funei frunidi naikno te gnafa ka nauthoglu igne.

Esra 9:13

“God, tutuani fara te cheke eghu iagho ka ghehati na, nu ghehati theome leghudi nou cheke iagho ra ne edi kmana nakhibo biꞌo nei najafra. Eghume iagho nabamu te para ghami ghehati eidi puhi te diꞌa igre. Nu theo eghu, iagho kokhoni ghami ghehati nei snakredi keha ka ghehati mala karhau.

Fapea Kings 25:7

Mare filo neu mae Sedekaea ne aknu falehe thugna mana re. Eghuteuna mare ne bilo koko phei tathagna mae Sedekaea re, aonu mare ne haru phei khamegna manare ka chen hata ne tei Babilonia.

Fapea Kings 23:29

Ka narane te king mae Josia igre, Fero Neko king gna Ijep neke haghe ka Khoꞌu biꞌo Iufretis mala toghoni king gna Asiria. King Josia jifla balugna nogna armi na mala magra ka Neko, nu Neko neke faleheni mana ka namono biꞌo Megido.

Fapea Kings 17:3

Ka narane tuare, King Salmanesa gna Asiria neke mei magra ka mana. Mae Hosea lisa laoni thegna ka khamegna King Salmanesa, eghuteuna mae Hosea ne foli takis biꞌo ka mana.

Fapea Kings 15:29

Ka narane tuare, King Tiglat-Pilesa gna Asiria mei ne magra Israel. Mana uluni magra igne ne hata namono igre: Ijon, Abel-Bet-Maka, Janoa, Kedes, Haso. Mana jaola ne uludi namono te au ka thilo nohi Gilead, Galili nei ka nohi Naftali, eghuteuna mana hata naiknore ne tei Asiria.

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Ululahu Kings 8:23

ne tarai, “Lord, iagho nomi God ghehati naiknomi Israel, theo kaisei god te au kligna ba te au ka nauthoglu te jateula iagho teuna. Iagho leghuni fabrahu nou nhaꞌa cheke teke eni iagho ka ghehati. Eghume ghehati thofno gleꞌa fara te leghuni puhimu iagho na.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Levitikas 26:24

iara thegu ginauna goigoni ghami fara ghotilo. Eghuteuna iara thegu ginauna thofno papara ghami ghotilo fabrahu eidi nakhibomi ghotilo re.

Levitikas 26:21

“Eghuteuna jame te theome keli ranghi ghau iara ghotilo na, nei theome leghu ghau iara teuna, iara ginauna thofno para ghami ghotilo fabrahu eidi nakhibomi ghotilo re.

Levitikas 26:18

“Eghuteuna jame ghotilo theome leghu ghau iara ke leghudi papara igre, iara ginauna para ghami ghotilo fitu fata salaꞌudi nakhibomi ghotilo re.

Eksodas 18:8

Mae Moses ne toutonu ka mae Jetro gobigna lepo te edi Lord ranghini king, nei naiknodi Ijep. Eigna Lord neke fakarhadi naiknodi Israel. Mana neke jaola neke toutonu ka mae Jetro eigna Lord te toghodi mare ka thua hoholo fateote'o te mei thafodi mare ka nabrou na.

Esra 4:2

Aonu mae naoka igre tei ne filoni mae Serubabel baludi phaꞌu maedi tharaknadi mare re, ne cheke eghu, “Ghehati ginauna loku balumi ghotilo ka gloku igne, naugna ghehati jaola tufru sorunila nomi God ghotilo gne. Ghehati fafara ka mana funu ka narane King Esahadon gna Asiria, mana neke snakredi kuꞌemi ghehati ra neke au agne tifa na.”

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Diutronomi 7:12

Mae Moses ne cheke eghu, “Jame te leghudi nei nomhidi teu ghotilo vetula igre na, Lord nomi God ghotilo igne ginauna tajini nogna nhaꞌa cheke na eghuteuna namha ghami ghotilo fabrahu jateula teke nhaꞌa chekeni mana ka kuꞌemi ghotilo ra eghu.

Diutronomi 7:13

Eghuteuna kate leghudi ghotilo vetula igre, mana ginauna namha ghami nei fablahi ghami eghu mala vuragha au kmana thumi ghotilo, eghuteuna ghemi nagare ghotilo re ginauna au kmana gano, eghuteuna ghotilo ginauna au ghemi kmana waen, nei kmana oel mala kuki. Eghuteuna mana ginauna fablahidi nomi buluka nei sipu teu ghotilo re mala karha kmana thudi. Ka puhi jateula igre eghu mana ginauna tangomana te fablahi ghami ghotilo kate au ghotilo ka glose teke nhaꞌa chekehi mana ka kuꞌemi ghotilo ra.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Fapea Kings 17:23

ghilei leghu lahu na, Lord ne theome magnahaghedi te mei rhegnai re jateula teke chekedi nogna mae gloku mana hatimare mae profet ra. Aonu armi gna Asiria igne mei ne hata fajifladi ka nodi namono re mala tei au Asiria ka namono aheva te khaba fara, eghuteuna mare au ka kantri igne ghilei mei posa ka narane gognarogne.