Nehemaea 9:27 - Buka Blahi Ka Cheke Holo

²⁷ Eghume naudi puhi igre, iagho neke snakredi mae naokare neke mei uludi nei paradi neku mare. Kate thoke mei puhi biꞌo igre ka mare na, mare neke tanhi ka iagho, eghuteuna iagho au neku kligna neke nomhidi nei toghodi neku mare. Naugna iagho neke kokhonidi fara mare neke kurudi keha mae lida mala fakarhidi ka nodi nolaghi mae naoka.

Nehemaea 9:27 ပူးပေါင်းရင်းမြစ်များ

Fapea Kings 14:27

Neke theome nogna gaoghatho Lord te mala thofno roꞌeni Israel na, nu mana neke cheke ka nagnafagna King Jeroboam, thugna mae Jehoas, mala fakarhidi mare.

Fapea Kings 13:5

Aonu Lord ne kuruni kaisei mae lida mala tei fakarhidi ka khamedi mae Siria. Eghuteuna mare neke au fakeli ka nodi namonore jateula teke tifa ra neu.

Fapea Kronikols 36:17

Aonu Lord ne kuru teini king gna Babilonia mala tei magra Jerusalem. Eghuteuna ka narane tuana, king igne ne kokhoni nognadi mare, aonu maedi Babilonia igre ne aknu falehe mae majaghanidi Juda re. Neuba ne mae majaghani, ba gaꞌase majaghani, mae nalhaꞌu, ba mae khuekuꞌe, God ne snakredi naikno igre mala kafe lehe ka khamegna Nebukadnesa. Neubane poru kehare ka Sugablahi na, mare tei ngala ka Sugablahi igne ne falehedi mare.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Profet Obadaea 1:21

Maedi Jerusalem igre ginauna tei magra Idom mala hata nodi kantri mare na, eghuteuna mare ginauna funei frunidi mare. Eghuteuna iara Lord thegu ngala nate mae funei biꞌo na.

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Fapea Kings 17:39

Ghotilo ginauna mala ghatho tahu ghau iara kaisei ngala Lord nomi God, eghuteuna iara ginauna fakarhi ghami ka khamedi nomi naoka ghotilo are.”

Nodi Khoje Hatimare Mae Jiu 136:24

Eghuteuna mana ke hata fapulo ghita ka khamedi noda naokare. Mana ne namha ghita tahati tifa tifa.