Nehemaea 9:26 - Buka Blahi Ka Cheke Holo

²⁶ “Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Nehemaea 9:26 ပူးပေါင်းရင်းမြစ်များ

Ululahu Kings 14:9

Nakhibo te edi iagho re biꞌo fara salaꞌudi nakhibo teke edi naiknodi Israel tifa ra. Iagho figri tagru ghau iara, eghuteuna iagho horo phei god ka mumuju buluka nalhaꞌudi ka gol mala tarai tagna. Ka puhi igre te thono diꞌatagu fara iara na.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Ululahu Kings 18:4

Kate aknu falehe te gnafa Kuin Jesebel nogna profet Lord igre na, mae Obadaea ne hata kaisei gobi mae profet te karha teure ne tei pophoru ke lamnadi phei gluma thina. Mana tufa mae profet igre ne glimafulu mae ka keha na, eghuteuna glimafulu mae ka keha na neu. Eghuteuna mana ne faghamudi nei fakoꞌudi neu koba mae profet igre leuleghu narane.

Matiu 21:35

“Hatimare mae greireghi nagare igre ne lokidi mae gloku igre. Kaisei ne puphuri, keha na ne falelehe nei fatilo na ne fada falehe ka thina.

Profet Esikiel 20:21

“ ‘Nu goro sua gre jaola magri ghau iara. Eghuteuna neuba mare ne laseni te mae ihei ngala te leghudi nogu vetula iara re ngala nate hatini u nakarha te keli na ginauna neu, mare theome leghudi kolho nogu cheke iara re, ba taji fakelidi nogu vetula iara re. Eghuteuna narane Sabat mala gnafa mare teku iara igne jateula te fiti narane ra eghu kolho ka gaoghathodi mare na. Naugna igne iara diꞌatagu fara neke ghaoghatho te mala paradi mare ke lamnagna namono nagou na.

Nodi Khoje Hatimare Mae Jiu 50:17

Ghotilo tiromi fara te mala farirhiu ghami iara na, eghuteuna leuleghu fata na ghotilo tiromidi chekegu iara re.

Nehemaea 9:30

Kmana finogha iagho snakre meini nou Tharunga te Blahi na ke klignadi hatimare mae profet, eghuteuna kurudi mae igre mala cheke faheta ka naiknore. Iagho neke ofodi naiknore mala fanomho ka cheke igre, nu mare ne tirodi. Eghume iagho snakredi naiknodi keha kantri are mala mei uludi mare.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Fapea Kings 21:11

“Mae Manase king gna Juda igne mana edi glepo te thono diꞌa fara igre. Mana edi kmana nakhibo ke tulaodi naiknodi Amo tifa ra, mana fatutuanidi mumuju igre ne batudi naiknodi Juda ka nakhibo.

Ululahu Kings 18:13

Jau iagho theome nomhini unha teke eni iara kate falehedi koba Kuin Jesebel nogna Profet Lord ra. Iara neke pophoru kaisei gobi Profet ke lamnadi phei gluma thina. Iara lilisei glimafului ka keha na, eghuteuna glimafului ka keha na. Eghuteuna iara fei ghedi gano nei khoꞌu eghu leuleghu narane ka mare.

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Nehemaea 9:29

“Iagho neke cheke faheta ka mare mala leghudi mare nou cheke iaghore, nu mare fahaehaghe fara nei theome leghudi eghu nou cheke iagho re. Jame ihei te leghudi nou vetula iagho re, mana tangomana te hatini u nakarha te keli na. Nu neuba ngau, mare patugama fara, eghuteuna mare figri tagruni vetula igne, eghuteuna mare tirodi fanomho nei leghu nigho eghu.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.

Profet Jeremaea 42:19

Mae Jeremaea ne cheke eghu, “Ghotilo naiknomi Juda te aunga teu ka namono ignera! Lord neke cheke eghuhi ka ghotilo, ‘Ghotilo thosei tei Ijep!’ Ghotilo fanomho fakeli ka cheke te eni iara ka ghotilo gognarogne.

Lamentations 3:42

“Ghehati tapla jafra ka nakhibo, eghuteuna ghehati theome keli ranghi nigho, nu iagho theome koko fadeleidi la ngau nakhibomi ghehati gre.

Diutronomi 32:14

Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Fapea Kings 21:10

Lord neke cheke eghu ranghidi nogna mae gloku hatimare mae profet,

Profet Jeremaea 2:7

Iara neke atha mei ghami ghotilo ka namono te keli igne mala tangomana ghotilo te ima thua nafnata gano te keli te karha ka vido igne. Nu kate mei au ghotilo agne na, ghotilo goigoni ni fara nogu glose iara teke tusu ari ka ghotilo igne. Eghuteuna ghotilo eni puhi te thono diꞌa fara na ke ulugu iara.