Nehemaea 9:20 - Buka Blahi Ka Cheke Holo

²⁰ Tharungamu iagho na thofno keli fara, eghuteuna iagho kuruni mana mala farirhiudi mare. Iagho tusu ranghidi bret gna kligna te kiloi ‘manna’ mala ghamu mare, eghuteuna iagho tusu ranghidi khoꞌu mala koꞌu.

Nehemaea 9:20 ပူးပေါင်းရင်းမြစ်များ

Nodi Khoje Hatimare Mae Jiu 143:10

Iagho nogu God iara, farirhiu ghau iara sagho mala unha te magnahaghedi iagho re. Kokhoni ghau nei baubatu ghau eghu ka nabrou te karha.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Efesus 5:9

naugna puhigna u naphae na tangomana tahati te edi glepo te keli nei doglo nei tutuani.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Nodi Khoje Hatimare Mae Jiu 105:41

Mana neke eni khoꞌu na neke jifla mei ka thina biꞌo na. Khoꞌu na jateula khoꞌu biꞌo neu ne tei posa ka namono nagou te khapra fara na.

Josua 5:12

Eghuteuna gano te kiloi “manna” te sughu ghamu koba mare igne neke theome soru mei. Funu ka narane igne, mare ne ghamu fabrahu gano te joꞌu mare ka kantri igne.

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Eksodas 16:15

Kate filoni naiknore glepo igne na, mare ne cheke eghu fari thedi, “Tore, unha glepo si ignea?” Mae Moses ne cheke eghu, “Igne ngala u bret teke tusu mei Lord mala ima ghotilo teku mana na.

Nehemaea 9:30

Kmana finogha iagho snakre meini nou Tharunga te Blahi na ke klignadi hatimare mae profet, eghuteuna kurudi mae igre mala cheke faheta ka naiknore. Iagho neke ofodi naiknore mala fanomho ka cheke igre, nu mare ne tirodi. Eghume iagho snakredi naiknodi keha kantri are mala mei uludi mare.

Letas Teke Riso Tei Mae Pol Ka Khiloau Rom 15:30

Kheraguro, naugna tahati kaisei balugna noda Lord Jisas Kraes nei Tharunga te Blahi togho ghita te mala fari namhai, iara thofno tore ghami mala kaisei balugu ka tharai nei toreni God mala togho ghau iara.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Eksodas 16:35

Naiknodi Israel gre ne ima u “manna” igne nabagna phia tutu finogha neke tei nga neke au soru jare ka nohi Kenan. Mare fananaba “manna” igne malagna kaisei naikno teuna leuleghu narane. Igne namo thokeni phei kilo nabagna kaisei khara'o ikoi, mare kiloni igne oma. Nabotho oma na nabagna kaisei efa.

Ululahu Korin 10:3

Mare neke kafe ima gano teke tusu ranghidi God na.

Profet Hagae 2:5

Ka narane teke jifla kokoni mae kuꞌemi ghotilo re namono Ijep tifa ia, iara neke eni kaisei nhaꞌa cheke mala au fabrahu balumi ghotilo ghilei thoke gognaro gne. Tharungagu iara na au balumi ghotilo. Tuana me thosei mhaghu ghotilo eghu.”

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Eksodas 17:3

Nu naiknore ne thono rodi koꞌu fara ne nguru ngau fara ka mae Moses, ne cheke eghu ka mana, “Moses, mala unha neku neke atha ghami ghehati Ijep neke mei agne sagho ia? Ba, iagho atha mei ghami ghehati ka vido te theo khoꞌu gna igne mala lehe ghehati baludi thumi, nomi sipu nei nomi buluka teu igre ka groi koꞌu na neku sagho ia?”