Nehemaea 9:19 - Buka Blahi Ka Cheke Holo

¹⁹ “Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Nehemaea 9:19 ပူးပေါင်းရင်းမြစ်များ

Nodi Khoje Hatimare Mae Jiu 106:45

Mana kokhoni nognadi fara neke ghatho fapuloni nogna nhaꞌa cheke na, neke figri gaoghathogna na.

Nehemaea 9:27

Eghume naudi puhi igre, iagho neke snakredi mae naokare neke mei uludi nei paradi neku mare. Kate thoke mei puhi biꞌo igre ka mare na, mare neke tanhi ka iagho, eghuteuna iagho au neku kligna neke nomhidi nei toghodi neku mare. Naugna iagho neke kokhonidi fara mare neke kurudi keha mae lida mala fakarhidi ka nodi nolaghi mae naoka.

Profet Malakai 3:6

Lord mae ihei te au nolaghi fateoteo igne ne cheke eghu, “Iara Lord, iara theome tangomana teke tughu na. Eghume ghotilo vikegna mae Jekop ra ghotilo ginauna theo kaisei glepo ka nauthoglu igne nate tapla fapari ghami ba fahui ghami ghotilo.

Nehemaea 9:12

Ka narane na, iagho au ke lamna grokho biꞌo mala tei ke uludi mala leghu nigho mare. Eghuteuna ka bongi na, iagho au ke lamna khaꞌaghi biꞌo, eghuteuna naphaemu iagho na falalase nabroudi mare.

Profet Daniel 9:18

God, figri mei fanomho ka ghehati, eghuteuna filo mei ka puhi biꞌo te thoke ghami ghehati gognarogne. Eghuteuna iagho jaola filo meini puhi biꞌo te au ka nou namono biꞌo iagho igne. Ghehati tarai koba ka iagho, naugna iagho kokhoni ghami ghehati fabrahu, theome naugna te naikno doglo ghehati na.

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Naba 14:14

Eghuteuna naiknodi Ijep gre na cheke eigna igne ka iheire naikno te au ka vido tuana. Mare la kulu nomhini hila eimu iagho na sia Lord. Mare la kulu laseni hila te au iagho baludi nou naiknore nei fakakhana nigho themu teu ka nou naiknore. Mare la kulu laseni hila eigna nou khoveo iagho te au ke klignadi te batudi iagho nou naiknore ka gromno fei narane nei khaꞌaghi fei bongiro teuna.

Profet Esikiel 20:22

Nu iara neke theome eni igne, naugna jame eni iara igne meuna, naiknodi keha kantri te au falithuidi mare igre ginauna faparini nanghagu iara na. Naugna mare laseni teke hata fajifla iara nogu naiknore ka kantri Ijep. Jame te theome leghuni iara nogu nhaꞌa cheke igne na, mare ginauna famamajani nanghagu iara na ka tathadi naiknodi keha kantri are.

Profet Esikiel 20:14

Nu iara na theome eghu, naugna jame naiknodi ka keha kantri te au falithuidi mare igre ginauna faparini nanghagu iara na. Mae igre neke filo glani ghau iara teke hata meidi iara funu Ijep. Jame te theome leghuni iara nhaꞌa cheke igne na, mare ginauna faparini nanghagu iara na.

Lamentations 3:22

Nogna namha Lord na theo ka khusu gna. Puhi te kokhoni ghita nei keli ranghi ghita teu mana igne au fabrahu tifa tifa.

Profet Isaia 44:21

Lord neke cheke eghui, “Ghotilo naiknomi Israel, ghotilo ke ghathodi nogu cheke iara ra. Ghotilo nogu mae gloku iara ra, iara neke vuavuha ghami ghotilo, eghuteuna iara theome tangomana te ghatho iho ghami ghotilo na.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Eksodas 40:38

Eghuteuna ka narane te nolo tafri naiknore ke lamna gna namono na teuna, leuleghu fata na naiknore tangomana te filoni nogna grokho biꞌo Lord igne ne toku tafru fabrahu Suga Tapuale te Blahi igne ka narane na. Eghuteuna leuleghu fata bongiro na, naiknore tangomana te filoni kaisei khaꞌaghi te phae fabrahu ke lamna gna grokho tuana.

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Eksodas 40:36

Ka narane naiknodi Israel te nolo tafri ke lamna namono nagou na jateula igne eghu: kate haghe grokho igne te tei kokoni Suga Tapuale te Blahi na, naiknore leghuni ne jifla ka nodi vido na mala ke tei ka keha vido na.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Nodi Khoje Hatimare Mae Jiu 136:16

Mana batudi neke tei nogna naiknore ke lamna namono nagou na. Mana ne namha ghita tahati tifa tifa.

Profet Esikiel 20:17

Nu iara kokhoni nogudi fara neke theome snakredi te kafe lehe mare ke lamna namono nagou na.