Nehemaea 9:17 - Buka Blahi Ka Cheke Holo

^17-18 Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Nehemaea 9:17 ပူးပေါင်းရင်းမြစ်များ

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Profet Joel 2:13

Nafnata puhi te reku pohe ghotilo te mala laseni naiknore te diꞌanagnafa ghotilo igne theome naba kolho. Ghotilo mala diꞌanagnafa kate tutuani te jifla mei ka thofno nagnafami fateote'o eidi nakhibomi are. Ghotilo mala ke pulo mei ka Lord, nomi God. Naugna Mana keli fara nei kokhonidi eghu naiknore. Mana theome ghosei diꞌatagna, nu mana ghatho tahudi naiknore. Uve, mana tarabana koba te mala hata fadelei nakhiboda re, theome mala para ghita.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Letas Teke Riso Tei Mae Pol Ka Khiloau Rom 9:15

Naugna God neke cheke eghu ka mae Moses, “Iara ginauna kokhonini ihei te magnahaghei kokhonini thegu na, eghuteuna iara ginauna toghoni ihei te magnahaghei toghoni thegu na.”

Nodi Khoje Hatimare Mae Jiu 78:38

Neuba mare ne eghu ngau, God na kokhoni nognadi fara, aonu mana ne hata koko nakhibodire ne theome paradi. Kmana fata mana diꞌatagna ka mare, nu mana loku fapulo diꞌatagna na.

Ululahu Kings 6:13

Uve, iara ginauna au balumi ghotilo naiknomi Israel, eghuteuna iara ginauna na theome tei koko ghami ghotilo nogu naikno iara ra.”

Nodi Khoje Hatimare Mae Jiu 106:7

Tifa, kani au teku Ijep mae kuꞌedara, mare neke theome filo glanidi u kofubobhoi teke edi God ra. Uve, kmana fata mare ghatho ihodi kolho puhi teke fakakhana mana nogna namha te biꞌo na ka mare ra. Mare neke figri tagruni mana ka Thongna Ukru na.

Nodi Khoje Hatimare Mae Jiu 78:11

Mare theome ghatho tahudi unha teke edi mana tifara nei mare theome ghathodi u kofubobhoi teke edi mana ka tathadi mare ra.

Ululahu Kings 8:57

Tahati toreni Lord, noda God mala au baluda jateula teke au baludi kuꞌeda tifa ra eghu. Tahati toreni mana mala thosei tei koko ghita.

Nodi Khoje Hatimare Mae Jiu 106:13

Nu theome raugha kolho mare neke ghatho ihodi kolho unha teke edi God re. Eghuteuna mare tirodi ofoni te mala laseni unha te magnahagheni God te mala eni mare na.

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Hibru 12:25

Eghume fanomho ghotilo eghu, thosei fofotho khulimi are ka God mae ihei te cheke teu ka ghotilo. Naiknodi Israel tifa re neke tirodi fanomho ka chekegna God te mei ka nauthoglu igne. Kate eni igne, mare neke theome rikhani fate na. Gognaro tahati nomhini chekegna God te mei funu kligna na. Tutuani fara, jame te tirodani tahati nogna cheke mana na, theo kaisei nabrou aheva nga te mala rikha tahati na!

Mae Khuru 7:39

“Nu mae kuꞌeda tahati ra neke tirodi leghuni mae Moses. Mare ne huhughuni fara mana nei mare magnahaghei teke puloi ngala Ijep.

Proveb 1:24

Iara kilo ghami ghotilo fabrahu mala mei ka iara, nu ghotilo tiromi mei.

Naba 16:14

Iagho theome atha tei ghami ghehati kolho ka vido te au famane glose nei au kmana gano teure! Iagho theome tufa keha vido glose ngala ka ghehati mala jo'u gano ghehati tagna! Ne dofu ghehati eghu sagho ia? Ghepa tiromi te age na!”

Naba 14:41

Nu mae Moses ne cheke eghu ka mare, “Tore! Ne unha site theome leghudi ghotilo nogna cheke Lord grea? Ghotilo theome tangomana te uluni mana na!

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Nehemaea 9:31

Nu nou lolokeli iagho ranghidi naiknore thono biꞌo fara, eghume iagho theome figri tagrudi nei theome snakredihi te mala goigonidi re. God, leuleghu fata na iagho kokhonidi naiknore, nei iagho magnahaghedi fara mare!

Profet Jeremaea 19:15

“Lord mae ihei te au nolaghi fateote'o, nei nodi God mae Israel teu igne ne cheke eghu, ‘Fanomho fakeli ghotilo ia! Ghotilo naiknomi Jerusalem, nei iheire te au ka vido rhegna namono Jerusalem, phaꞌumi ghotilore maku fara jateula thina eghu theome magnahaghei te nomhini chekegu iara na. Eghume, puhi biꞌo ginauna thoke mei ka ghotilo.’ ”

Profet Esikiel 5:6

Neuba, naikno te gnafa Jerusalem igre theome magnahaghedi kolho nogu cheke iara re. Puhidi te diꞌa re thono diꞌa fara salaꞌudi puhidi naiknodi keha kantri te au lithuidi mare are. Mare tirodi leghu ghau iara, ba fanomho ka nogu cheke iara re, eghuteuna mare theome magnahaghei te leghudi nogu vetula iara re.

Profet Daniel 9:9

Neuba ghehati ne theome keli ranghi nigho iagho, iagho kokhoni ghami ghehati fabrahu kolho, nei hata fadelei nakhibomi ghehati re.

Profet Nahum 1:3

Neuba, Lord na theome ghosei diꞌatagna ka nogna naiknore, nu mana au nogna nolaghi te mala paradi iheire te edi puhi te diꞌare. Kate mei na, Lord ginauna tangomana te mei ke kligna saeklon. Eghuteuna kate tapla mana ka glose na, gaughavu ginauna haghe jateula khoveo biꞌo eghu.

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Levitikas 26:44

Nu ka narane tuana kani au nga teu mare ka nodi kantri mae nodi naoka re, iara ginauna theome tangomana te thofno lisa kokodi mare, ba thododi mare, mala goigonidi mare hui. Eghuteuna iara theome tangomana te huhughuni nogu nhaꞌa cheke baludi mare ia, naugna iara Lord, nomi God ghotilo. Iara ginauna toghodi mare, naugna iara ginauna ghathoni nogu nhaꞌa cheke iara ia. Nhaꞌa cheke igne iara neke eni balumi ghotilo kani teke hata fajifla ghami iara Ijep ka tathadi keha naikno ra mala nodi God mare. Iara Lord.”

Ululahu Samuel 12:22

Lord na magnahagheidi naiknore te ghatho tahuni nanghagna mana na, naugna igne te theome tei koko ghami mana na, eghuteuna mana neke vahi ghami ghotilo mala nogna naikno mana.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Nodi Khoje Hatimare Mae Jiu 78:10

Mare neke theome leghuni kolho u nhaꞌa cheke teke eni God ka mare na, nei mare jaola neke tirodi te leghudi kolho nogna vetula mana re.

Profet Jeremaea 7:26

Nu ghotilo theome fanomho ka nogu cheke iara igre. Phaꞌumi ghotilore jateula thina eghu edi koba glepo te diꞌare salaꞌudi mae kuꞌemi tifa ra.’

Profet Jeremaea 18:15

Nu naikno teke vavahi iara mala nogu naikno thegu teku igre la ghatho iho ghauhi iara. Leuleghu fata na mare gahu insens koba ka mumuju god te theo nafudi igre. Mumuju god igre batudi mare mala tei snivi ka famane nabrou te fei au na, eghuteuna mare leghuni kolho nabrou te diꞌa na mala uka tagna.