Nehemaea 9:15 - Buka Blahi Ka Cheke Holo

¹⁵ Kate rofo naiknore, iagho neke tusu ranghidi gano teke soru mei funugna kligna. Eghuteuna kate roi koꞌu naiknore, iagho neke tusu ranghidi khoꞌu teke jifla mei funu ke lamna thina. Eghuteuna iagho neke cheke ranghidi mala tei hata kasa glose mala khotogna mare glose teke kulu nhaꞌa chekehi iagho ka mare na.

Nehemaea 9:15 ပူးပေါင်းရင်းမြစ်များ

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Eksodas 17:6

Kate ari te posa iagho ka thina te au ka Thogele Sanai ia na, iara ginau na au jare balumu iagho. Eghuteuna iagho mala atha nou khodo ana mala puphuri ka thina na, eghuteuna khoꞌu na ginau na jifla mei ka thina tuana mala koꞌu naikno are.” Mae Moses ne eni igne ne jifla mei khoꞌu na ka thina na kate filo teu goro mae biꞌodi Israel re.

Eksodas 16:4

Aonu Lord ne cheke eghu ka mae Moses, “Iara ginau na tusu mei gano gna kligna na mala soru mei jateula nakhete eghu ka ghotilo. Leuleghu narane na naiknore mala jifla atha gano malagna narane tuana. Ka puhi igne iara ginau na fariu riudi naikno gre mala laseni te leghudi ghu theo ghu teu nogu cheke iara re.

Profet Esikiel 20:15

Nu kani au nga teku naiknodi Israel gre ka namono nagou na, iara neke cheke faheta ka mare eigna iara ginauna na theome batudi mare tei ka famane namono aheva teke tusu lao iara ka mare na. Namono tuana thofno keli fara salaꞌudi keha kantri te gnafa ka nauthoglu igne. Glosegna na thofno keli fara, eghuteuna leuleghu fata na au kmana gano tagna.

Diutronomi 8:3

Uve, mana neke magnahaghei te fariuriu ghami ghotilo neke rofo eghuteuna faghamu ghami ka ‘manna’, kaisei gano te theome laseni ghotilo nei kuꞌemi ghotilo tifa ra. Mana neke eni igne mala farirhiu ghami ghotilo te naikno na theome tangomana te karha ka gano kolho, nu tahati karha ka cheke te gnafa te mei ka foflogna Lord.

Nehemaea 9:20

Tharungamu iagho na thofno keli fara, eghuteuna iagho kuruni mana mala farirhiudi mare. Iagho tusu ranghidi bret gna kligna te kiloi ‘manna’ mala ghamu mare, eghuteuna iagho tusu ranghidi khoꞌu mala koꞌu.

Naba 14:30

Theo kaisei mae ka ghotilo te ginau jugru haghe ka vido teke nhaꞌa chekeni iara mala au ghotilo gne. Mae Caleb thugna mae Jefune ghe mae Josua thugna mae Nun eghu kolho nate au ke lamnagna vido tuana.

Jenesis 14:22

Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’

Eksodas 6:8

Iara ginauna batu ghami tei ka namono teke nhaꞌa cheke iara ka kuꞌemi ghotilo tifa ra, Ebraham, Isak nei Jekop. Iara ginauna snakre ari ka ghotilo namono igne, eghuteuna ghotilo ginauna khotogna namono igne tifa tifa. Iara Lord, ginauna eni glepo igne.’ ”

Eksodas 17:3

Nu naiknore ne thono rodi koꞌu fara ne nguru ngau fara ka mae Moses, ne cheke eghu ka mana, “Moses, mala unha neku neke atha ghami ghehati Ijep neke mei agne sagho ia? Ba, iagho atha mei ghami ghehati ka vido te theo khoꞌu gna igne mala lehe ghehati baludi thumi, nomi sipu nei nomi buluka teu igre ka groi koꞌu na neku sagho ia?”

Profet Isaia 48:21

Kani teke batudi teke mei mana kuꞌeda tahati ra ka namono nagou te brana fara na tifa ra, mare neke theome lehe ka khoꞌu. Theo. Mana neke tothora thina na neke jifla mei khoꞌu na neke koꞌu mare.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.