Nehemaea 8:17 - Buka Blahi Ka Cheke Holo

¹⁷ Eghuteuna naikno teke pulo mei funudi Babilonia igre ne horo nodi grorofe ikodi ne au tadi. Funu ka naranegna mae Josua thugna mae Nun te mei posa ka narane igne, vikegna Israel igne theome eni narane biꞌo igne. Eghuteuna mare te gnafa na ne thofno glealeꞌa fara.

Nehemaea 8:17 ပူးပေါင်းရင်းမြစ်များ

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Esra 3:4

Eghuteuna mare thofno leghuni unha te chekeni ka vetula na, mare khapru ka Narane Gaghamugna Grorofe na. Eghuteuna leuleghu fata na, mare fafara ka narane biꞌo igne.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Hibru 11:9

Mana ne fatutuani ni God. Eigna igne mana tei ne au jateula kaisei mae phosa neu ka vido teke nhaꞌa cheke God te mala au mana na. Mana neke au ka suga tapuale jateula mae Isak ghe mae Jekop neku. God neke jaola nhaꞌa cheke ka phiamare langau mala khotogna namono tuana.

Hibru 4:8

Te laseni tahati na mae Josua neke theome batudi kuꞌeda tahati re neke tei ka vido mala gnafa na, mala gnafa balugna God. Tahati laseni igne naugna ke leghugna igne God neke cheke eigna keha narane nate mei ginauna.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Fapea Kronikols 35:18

Funu ka narane gna Profet Samuel tifa te mei posa ka narane gna Josia na, theo kaisei naikno teke eni jateula Gaghamu Ghasa-Polho igne teku tifa na. Eghuteuna theo kaisei king gna Israel teke eni kaisei Gaghamu Ghasa-Polho biꞌo jateula te eni King Josia baludi mae pris nei mae Livaet nei naiknodi Jerusalem, nei naiknodi Juda, nei naiknodi Israel teu igne na.

Fapea Kronikols 30:26

Naikno te gnafa Israel igre ne thofno glealeꞌa fara, naugna funu tifa te mei ka naranegna King Solomon, thugna King Devet te mei posa ka narane tuana, mare theome eni kaisei gaghamu jateula igne teu Jerusalem na.

Ululahu Kronikols 29:22

Naiknore ne ghamu nei koꞌu neu ke ulugna Lord ka narane tuana balu glealeꞌa biꞌo. Aonu naiknore ne fapea chekeni te Solomon ngala nodi king mare na. Eghuteuna hatimare mae pris ne tofa oel ka phaꞌugna mana na ka nanghagna Lord, eghuteuna mae Solomon ne kegra king ka narane igne. Eghuteuna mare ne jaola ka mae Sadok mala nodi pris.

Josua 1:1

Ke leghugna te lehe mae Moses nogna mae gloku Lord igne, Lord ne cheke ka Josua thugna mae Nun, mae ihei teke toghoni mae Moses.

Diutronomi 16:15

Ka fitu narane te glealeꞌa ghotilo ka gaghamu biꞌo te eni ghotilo ka vido blahi te vahini Lord igne. Ghotilo tangomana te glealeꞌa na naugna Lord, nomi God neke fablahidi nomi nagare nei nomi gloku teu ghotilo re. Ka narane te eghu igre ghotilo ginauna thofno glealeꞌa nomi fara.