Nehemaea 8:15 - Buka Blahi Ka Cheke Holo

¹⁵ Eghuteuna mana jaola neke cheke ka mare mala tei tongana Jerusalem nei ka namono te gnafa Juda mala toutonu cheke igre ka narane biꞌo igne. Mare mala cheke eghu, “Ghotilo tei ka thogele ro mala hata mei kmana gregedi gaju oliv, nei gaju matel, nei gaju thubo, nei keha gaju te au kmana khakladi tadi, mala horo grorofe tadi.” Jateula te chekeni ka buka Vetula na igne eghu.

Nehemaea 8:15 ပူးပေါင်းရင်းမြစ်များ

Levitikas 23:40

Ka narane ululahu gna narane biꞌo igne, ghotilo mala hata mei famane sisi ka nomi gaju ghotilo ra, eghuteuna ghotilo mala hata khakladi gaju thubo, nei gregedi gaju te au kmana khaklagna, mala fufunu narane biꞌo igne. Eghuteuna ghotilo mala glealeꞌa nei ghatho tahu ghau iara Lord nomi God ghotilo.

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Levitikas 23:4

“Keha Narane biꞌo te mala kafe khapru mei te mala kilo fnakno ghau iara, iara neke vahini malami ghotilo, eghuteuna iagho mala chekeni thofno narane gna na ka naiknore.

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Jone 12:13

Eghume, mare ne tei pulei grege thubo mala tei thafoni mana ka nabrou na. Aonu, mare ne gleale'a fara kate filoni te mei mae Jisas na ne thagru eghu fabiꞌo, “Hosanna! Kilo fnaknoni God!” “God fablahini mana te mei ka nanghagna Lord!” “God fablahini nodi King mae Israel!”

Matiu 21:1

Mae Jisas baludi nogna mae fanomhore ne tei namo Jerusalem. Nu ulu lahu na, mare ne snoto ka namono ka thogele te kiloi Thogele Gaju Olivi. Funu jare mae Jisas ne kurudi phei nogna mae fanomhore mala tei ka namono na.

Jenesis 8:11

Eghuteuna ka grafi tuana nanghaji na neke pulo mei ka mae Noa. Naꞌa kakathu ka foflogna na pala ne mei kaisei khakla gaju oliv majaghani! Aonu mae Noa ne lasenihi tela namo moja hi u glose na ne cheke eghu, “Uve, khoꞌu na kela krangohi!”

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.