Nehemaea 8:12 - Buka Blahi Ka Cheke Holo

¹² Aonu naiknore ne kafe tei ka namono balu glealeꞌa, mare ghamu nei koꞌu nei tufa keha ka iheire te theome naba ghedi gano. Mare kelitadi fara naugna mare lase fakelidi cheke te iuꞌiju mae Esra ka mare igre.

Nehemaea 8:12 ပူးပေါင်းရင်းမြစ်များ

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Luku 24:32

Phiamare ne cheke eghu fari thedi, “Tore, kate toutonu mana ka tapa ka nabrou ia, mana neke rurutha fakeli ka tapa thofno gaoghathodi gobigna lepo ka grioriso te blahi ra. Eghuteuna kate nomhi tapa igne, tapa ne keli tada fara!”

Nodi Khoje Hatimare Mae Jiu 119:171

Iara ginauna cheke fakeli nigho koba, naugna iagho ne farirhiu ghau iara nou vetulare.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Nodi Khoje Hatimare Mae Jiu 119:127

Iara thono magnahagheni fara nou famane farirhiu iagho igne ke uludi sileni te gnafa ka nauthoglu igne.

Nodi Khoje Hatimare Mae Jiu 119:111

Iara ginauna leghudi fabrahu nou cheke iagho re. Eghuteuna nou cheke iagho re ginauna faglealeꞌani nagnafagu iara na.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Nodi Khoje Hatimare Mae Jiu 119:16

Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Nodi Khoje Hatimare Mae Jiu 119:14

Kate leghudi iara nou farirhiu iagho re, nogu glealeꞌa iara thono biꞌo fara salaꞌuni, jateula kaisei mae te dedei fara te au nogna glepo te kmana ra eghu.

Thoutonu Eigna Mae Job 23:12

Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.

Letas Teke Riso Tei Mae Pol Ka Khiloau Rom 7:18

Iara laseni, fei iara thegu na, iara maegu ka nauthoglu igne kolho, theo kaisei glepo te keli te au ke lamnagu iara na. Naugna neubane au ka iara gaoghatho te keli na, iara theome tangomana te eni puhi te keli na. Theo fara, iara theo nogu nolaghi te mala eni puhi te doglo na.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Thakle 11:10

Naiknogna nauthoglu igne ginauna gleale'a fara kate nomhini tela lehehi phei mae profet igre na. Aonu naiknore ginauna eꞌei gaghamu nei tufa namha fari thedi. Naugna phei mae profet igre neke paradi fara kmana naikno ka nauthoglu igne.

Nehemaea 8:10

Aonu iara ne cheke eghu ranghidi, “Ghotilo tei ka namono mala ei gaghamu biꞌo. Ghotilo ghamu gano te keli nei koꞌu waen te mamahe eghu, eghuteuna tufa keha gano nei waen eghu ka iheire te theome naba ghedi gano, naugna narane igne blahi ka noda Lord. Ghotilo thosei diꞌanagnafa nei tanhi eghu naugna Lord magnahaghei ghita tahati te glealeꞌa, eigna puhi glealeꞌa ngala te mala farheta ghita na.”

Nehemaea 8:11

Aonu mae Livaet gre ne farerheta gaoghathodi naiknore ne cheke eghu ranghidi, “Ghotilo megeu naugna gognarogne narane blahi, eghume ghotilo thosei diꞌanagnafa nei tanhi eghu.”

Nehemaea 8:13

Hamerane, ka fapea narane ka nhigra igne, phaꞌu maedi ka tharakna te gnafa baludi mae pris nei mae Livaet teu igre ne kafe tei ka mae Pris Esra, mala farirhiudi cheke te au ka buka Vetula teke cheke Lord ranghini mae Moses mala toutonu mana ka naiknodi Israel teku tifa igre. Mare laseni eigna mae Moses neke rioriso buka igne, leuleghu finogha ka fafitu nhigra ka narane biꞌo igne naiknore mala au ka grorofe ikoi teke horo mare na.

Nogna Buka Esta 9:22

Eigna ka narane igne hatimare mae Jiu neke bruedi nodi naokare. Eghuteuna jaola ka nhigra igne, nodi naꞌau papara nei diꞌanagnafa teku mae Jiu igre neke tughu ka pharikeli. Mae Modikae ne cheke ranghidi naiknore mala ei gaghamu biꞌo, nei gleale'a eghu ka phei narane igre. Eghuteuna mare mala tufa gano, ba glepo ka kheradi thofno ba ka iheire te au kokhonidi.

Ululahu Kronikols 29:22

Naiknore ne ghamu nei koꞌu neu ke ulugna Lord ka narane tuana balu glealeꞌa biꞌo. Aonu naiknore ne fapea chekeni te Solomon ngala nodi king mare na. Eghuteuna hatimare mae pris ne tofa oel ka phaꞌugna mana na ka nanghagna Lord, eghuteuna mae Solomon ne kegra king ka narane igne. Eghuteuna mare ne jaola ka mae Sadok mala nodi pris.