Nehemaea 7:73 - Buka Blahi Ka Cheke Holo

⁷³ Hatimare mae pris, nei mae Livaet, nei mae mala reireghi grengathagna Sugablahi na, nei mae mala koje ka Sugablahi na, nei mae te mala loku ka Sugablahi, naikno igre neke au soru Jerusalem. Mae igre baludi keha naikno teke pulo ka namono aheva heva ka kantri Israel igre neke pulo ka namono teke au vikedi mare tifa ra. Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore.

Nehemaea 7:73 ပူးပေါင်းရင်းမြစ်များ

Esra 2:70

Mae pris nei mae Livaet, nei mae mala koje ka Sugablahi na, nei mae te mala reireghidi grengathagna Sugablahi na, nei mae te loku ka Sugablahi na, mae igre baludi keha naiknore neke figri ka namono aheva teke au tharaknadi mare tifa ra.

Fapea Kings 7:10

Aonu mare neke figri ka namono biꞌo na, eghuteuna mare ne kilodi mae te reireghi gna grengatha gna namono biꞌo na ne cheke eghu, “Ghehati neke tei ka nodi namono maedi Siria ra, nu ghehati ne theome filoni kaisei mae jare, nei ghehati theome nomhini kaisei mae te cheke na. Nodi suga tapuale re au fakeliau kolho, eghuteuna hose nei dongki teure haru maku ngala.”

Ululahu Kronikols 9:2

Naikno teke kulu pulo mei teke au ka nodi namono nei nodi vido glose tekure neke hatimare mae pris, hatimare mae Livaet, nei hatimare mae mala loku ka Sugablahi.

Esra 3:1

Naiknodi Israel igre neke pulo mei neke au fakeli ka nodi namono re. Eghuteuna kate namo mei fafitu nhigra ka finogha igne mare mei ne salofodu Jerusalem.

Nehemaea 7:72

Eghuteuna keha naiknore tusu lao kaisei gobi fitusalei kilo gol, eghuteuna kaisei thogha, kaisei gobi kilo silva, eghuteuna namnosalei fitui pohe maladi mae pris.

Nehemaea 11:3

Keha ka mae pris, nei mae Livaet, nei mae te loku ka Sugablahi, nei mae teke loku ranghini King Solomon tifa ra, baludi keha naiknodi Israel igre eghu, mare au ka nodi vidore ka namono Juda. Nu keha mae lida baludi keha naikno ka phei nohi Juda ghe Benjamin, mare ne horo nodi suga Jerusalem. Mae ka vikegna Juda te au Jerusalem re igre: Mae Ataea thugna mae Iusaea, mae ihei teke karha mei ka tharaknagna mae Peres. Tharakna igne eghu agne: Mae Ataea, nei mae Iusaea, nei mae Sekaraea, nei mae Amaraea, nei mae Sefataea, nei mae Mahalalel, nei mae Peres, mae ihei te kuꞌedi tharakna igne.