Nehemaea 7:63 - Buka Blahi Ka Cheke Holo

⁶³ Eghuteuna keha mae pris jaola neke pulo mei funudi Babilonia, mae igre neke karha mei ka vikedi mae Hobaea, nei mae Hakos, nei mae Basilae. Mae Basilae gne neke tolaghi ka kaisei thugna gaꞌase kaisei mae nanghagna na Basilae maegna Gilead, eghume mana hata nanghagna nanghogna igne.

Nehemaea 7:63 ပူးပေါင်းရင်းမြစ်များ

Ululahu Kings 2:7

“Nu iagho mala keli ranghidi thugna mae Basilae, maegna Gilead ra. Iagho hata meidi mala ima fabrahu ka sugamu na. Naugna tifa na, kani teke rikhani iara mae thabusimu Absalom na, mare neke thofno keli fara ranghi ghau iara.

Fapea Samuel 17:27

Kate posa mae Devet Mahanaem, thilo mae mei ne thafoni mana jare. Mae ulu lahu na mae Sobi, thugna mae Nahas, maegna Raba ka kantri Amon. Fapea na, mae Makia, thugna mae Amiel, maegna ka namono Lo-Deba. Eghuteuna fatilo na mae Basilae maegna ka namono Rogelim ka nohi Gilead.

Ululahu Kronikols 4:8

nei mae Kos. Mae Kos gne neke kmadi mae Anub ghe mae Hasobeba. Mae Kos jaola neke kuꞌedi vikegna mae Aharel, eghuteuna mae Aharel gne neke thugna mae Harum.

Nehemaea 7:62

Mae igre neke karha mei ka vikedi mae Delaea, nei mae Tobaea, nei mae Nekoda: namno gobi phiatutu phei.

Nehemaea 7:64

Mae pris igre mare hirodi nanghadi vikedi re ka buka nangha igne, nu mare theome tangomana te filodire. Eghume mae biꞌodi mae pris igre theome snakredi mare te eni nogna gloku mae pris na.

Nehemaea 3:4

Mae Meremot thugna mae Iuraea gragna mae Hakos igne, mana babana fapulo keha vidogna gringni thina igne. Mae Mesulam thugna mae Berekaea gragna mae Mesesabel, mana loku keha vidogna na. Mae Sadok thugna mae Bana, mana loku keha vidogna na.