Nehemaea 6:16 - Buka Blahi Ka Cheke Holo

¹⁶ Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Nehemaea 6:16 ပူးပေါင်းရင်းမြစ်များ

Josua 5:1

King te gnafadi Amo te au ke mosu Khoꞌu biꞌo Jordan igre, nei king te gnafadi Kenan te au rhegna Thongna Mediterenian igre eghu mare ne nomhini thoutonu eigna Lord te fakrangoni Khoꞌu biꞌo Jordan te kasa naiknodi Israel igne. Aonu mare ne thofno mhaghudi fara maedi Israel igre ne thofno glaꞌe soru gaoghathodire.

Nodi Khoje Hatimare Mae Jiu 126:2

Ka narane tuana tahati maꞌe nei koje eghu, naugna tahati neke thofno glealeꞌa fara ngala. Aonu naikno te theome laseni Lord teure ne cheke eghu, “Lord na la edi glepo te biꞌo fara igre la toghodi naiknodi Israel gre.”

Nehemaea 4:7

Nu kate nomhini mae Sanbalat ghe mae Tobaea baludi naiknodi Arebia, nei naiknodi Amon, nei naiknodi Asdod teu tekela babana fapulo ghehati vido ka gringni thina gna namono Jerusalem teke groꞌe igne, mare ne thono diꞌatadi fara.

Nehemaea 4:1

Kate nomhini mae Sanbalat teke babana fapulo ghehati mae Jiu gringni thina igne, mana ne thono diꞌatagna fara, ne maꞌe ghami ghehati.

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Mae Khuru 5:38

Eghume te chekeni iara ka ghotilo gognaro na, ‘Au fadelei ka mae igre.’ Jame te nodi gaoghatho thedi kolho unha te eni mare igne na, puhi tuana ginauna lao theo nafugna kolho.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Nehemaea 6:17

Ka narane tuare, nodi mae biꞌo mae Jiu gre rioriso tei kmana letas ka mae Tobaea, eghuteuna mana cheke tughu tei ka mare. Mae biꞌo igre te cheke ka iara na mae Tobaea gne kaisei mae keli fara, ke leghu mare ke tei cheke ka mae Tobaea unha te cheke iara ka mare re. Mare eni koba nafnata puhi igne naugna mae Tobaea gne tolaghi ka thugna gaꞌase mae Sekanaea thugna mae Ara. Eghuteuna mae Jehohanan thugna mae Tobaea gne mana tolaghi ka thugna gaꞌase mae Mesulam, thugna mae Berekaea. Eghuteuna mae Tobaea gne rioriso letas mei koba ka iara mala mhaghu iara eghu koba.

Profet Jeremaea 33:9

Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Nodi Khoje Hatimare Mae Jiu 109:27

Falalase lao sagho ka nogu naoka iara gre eigna iagho te fakarhi ghau iara gne.

Nodi Khoje Hatimare Mae Jiu 129:5

God, brue fadeleidi sagho naikno te tirodini Jerusalem are mala mamaja nodi fara mare.

Nodi Khoje Hatimare Mae Jiu 147:2

Lord kela babana fapulo Jerusalem. Uve, mana kela hata fapulo kherada teke sneka teke tei sosolo ka kantri Babilon te khaba fara.