Nehemaea 6:15 - Buka Blahi Ka Cheke Holo

¹⁵ Gloku ka gringni thina igne gnafa ka varadaki glima narane gna nhigra Elul, eghuteuna ghehati neke khogla loku glimafulu phei narane kolho.

Nehemaea 6:15 ပူးပေါင်းရင်းမြစ်များ

Profet Daniel 9:25

“Iagho mala lase fakelini igne. Funu ka narane te jifla mei cheke igne ka hatimare mae profet eigna te mala ke babana fapulo namono biꞌo Jerusalem teku igne ginauna theome faghose ghilei thokeni narane nate vavahi God kaisei mae, eghuteuna ginauna na thokeni phia tutu nheva finogha. Eghuteuna ka narane tuana, mare ginauna nake babana fapulo namono biꞌo Jerusalem, balu nabrou nei vido mala poru teu igre ginauna thokeni fati gobi tolufulu fati finogha. Nu ginauna na kmana puhi biꞌo na thoke mei.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Esra 6:15

Mare ne loku fahui Sugablahi igne ka fatilo narane gna nhigra Ada ka fafamno finogha King Darius te funei fruni Pesia.

Nehemaea 7:1

Kate gnafa gringni thina igne, ghehati ne famamhaku bobothodi grengatha igre, aonu iara ne vahidi mae Livaet mala sekiuriti di grengatha igre, eghuteuna kehare mala kwaea gna Sugablahi igne.

Esra 6:14

Eghuteuna nodi lida mae Jiu igre ne loku heta ka gloku igne nei kelitadi ka nodi cheke Profet Hagae ghe Profet Sekaraea thugna mae Ido. Mare ne loku fahui Sugablahi igne, jateula teke chekeni nodi God mae Israel, nei cheke ka Saeras, Darius, nei Atasekses thilo king di Pesia.

Nodi Khoje Hatimare Mae Jiu 147:2

Lord kela babana fapulo Jerusalem. Uve, mana kela hata fapulo kherada teke sneka teke tei sosolo ka kantri Babilon te khaba fara.