Nehemaea 6:14 - Buka Blahi Ka Cheke Holo

¹⁴ Aonu iara ne tarai, “God, ghathodi unha te edi ranghi ghau iara mae Tobaea ghe mae Sanbalat igre. Eghuteuna iagho jaola ghathoni gaꞌase profet Noadaea baludi keha profet teke fariuriu famamhaghu ghau iara ra.”

Nehemaea 6:14 ပူးပေါင်းရင်းမြစ်များ

Nehemaea 13:29

Nogu God, ghathodi sagho puhidi mare te diꞌa igre, naugna mare ne ei fadiꞌa nogna gloku pris na, eghuteuna mare ne goigoni u nhaꞌa cheke teke eni iagho baludi mae pris nei mae Livaet.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Fapea Timoti 3:8

Mae te diꞌa igre tirodi leghuni thofno cheke te tutuani na, jateula mae Janisi ghe mae Jabrisi teke eni tifa ranghini mae Moses. Mare theome au kaisei nodi gaoghatho te doglo kolho, eghuteuna nodi fatutuanire la tei jafrahi.

Matiu 24:24

Naugna ginauna hatimare mae Kraes chaichaghi nei hatimare mae profet chaichaghi teu igre ginauna thakle mei. Mare ginauna edi kmana glepo te biꞌo nei kofubobhoi biꞌo eghu ka naiknore, mala fariuriu chaghidi nei baubatu fadiꞌadi eghu naikno te gnafa teke vavahi God re. Nu theome tangomana eghu.

Matiu 24:11

Kmana profet chaichaghi ginauna thakle mei. Mare na batu fadiꞌadi naikno kmana mala fatutuanidi kolho glepo te chaichaghire.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Profet Jeremaea 28:15

Aonu profet Jeremaea leghuni nogna cheke Lord igne ne cheke eghu ka profet Hananaea, “Hananaea, fanomho fakeli iagho ia! Lord neke theome kuru mei nigho iagho. Nu naikno igre fatutuanidi nou cheke chaichaghi iaghore.

Profet Jeremaea 28:10

Aonu mae profet Hananaea atha vido thaba te au ka grara gna mae Jeremaea na igne ne kina lopi.

Profet Jeremaea 28:1

Ka falima nhigra, ka fafati finogha king Sedekaea te funei fruni Juda, Profet Hananaea thugna mae Asur, maegna ka namono Gibeon, mana mei ka Sugablahi gna Lord na ne cheke ka mae Jeremaea ke uludi mae pris baludi naiknore. Mana ne cheke eghu,

Profet Jeremaea 14:18

Jame te tei iara mata na, iara ginauna filodi iheire teke lehe ka magra ra. Eghuteuna jame te tei iara ke lamna namono na, iara na filodi naikno te lehe ka grofo ra. Hatimare mae profet nei hatimare mae pris teu igre mare toutonu eha tafri heva heva theome laseni unha te eni mare na.’ ”

Profet Jeremaea 14:15

Eghume, igne unha te chekeni iara Lord eidi mae profet te toutonu chaichaghi ka nanghagu iara na igre: Iara neke theome kuru meidi mae igre, nu mare chekeni koba narane mala magra nei narane mala theo gano teuna na theome mei ka ghotilo ka namono igne teuna. Nu te chekeni iara ka iagho na, keha ka mae profet igre ginauna lehe ka magra, eghuteuna kehare ginauna lehe ka grofo.

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Nehemaea 5:19

Aonu Nehemaea ne tarai, “Nogu God, ghathodi glepo te keli teke edi iara ranghidi naikno igre.”

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Nodi Khoje Hatimare Mae Jiu 137:7

Lord God, ghathodi sagho glepo te diꞌa te cheke meidi ka ghehati naiknodi Idom gre, ka narane teke mei mae Babilon teke magra ka ghehati Jerusalem ia. Naiknodi Idom gre neke cheke eghu fabrahu, “Paꞌe soru namono biꞌo tuana, paꞌe soru pari!”