Nehemaea 6:13 - Buka Blahi Ka Cheke Holo

¹³ Phiamare ghathoni nogna cheke mae Semaea igne ginauna mhaghuni iara mala tei iara lamna Chogho Blahi, eghuteuna ka puhi igne iara ginauna au ka nakhibo. Jame te eni iara igne na, phiamare ginauna goigonini nanghagu iara na, eghuteuna famamaja ghau iara ka tathadi naiknore.

Nehemaea 6:13 ပူးပေါင်းရင်းမြစ်များ

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Profet Jeremaea 18:18

Naiknore ne cheke eghu, “Tore, tahati na hironi kaisei nabrou te mala fadiꞌani mae profet igne. Nogna cheke mana igre theome tutuani. Mae pris igre ginauna au baluda fabrahu te mala farirhiu ghita na. Eghuteuna mae glalase igre ginauna au baluda fabrahu te mala tusu ranghi ghita gaoghatho te keli na. Eghuteuna noda mae profet tahati igre jaola au baluda te mala toutonu ranghi ghita nodi cheke hatimare mae profet ra. Eghume tahati tiroda fanomho ka nogna cheke mae Jeremaea igre.”

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.

Nehemaea 6:6

Cheke ka letas igne ne cheke eghu, “Naikno ka kantri te au faligoho ghita igre la nomhidihi keha nonomho, eghuteuna mae Gesem jaola chekeni igne. Te nomhini mare na ghotilo roghe poru mala magra ka king, naugna tuana teke babana fapulo ghotilo gringni thina igne. Nonomho igne jaola chekeni te iagho magnahaghei te nodi king mare.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.

Ululahu Timoti 5:14

Eghume, iara magnahaghedi thau majaghani teke lehe khetodira ke tolaghi fapulo, mala au thudi, nei mala reireghi fakelidi nodi sugare. Jame eni rehati igne na, noda naoka tahati re ginauna theome filoni kaisei nabrou te mala cheke fapari ghita na.

Fapea Korin 11:12

Keha naiknore magnahaghei fara te mala fahaehaghedi thedi nei chekeni koba nodi glokure te kaisei nanaba ka ghehati mae khuru gre teuna. Nu iara magnahaghei te mala fanogradi mare ka igne. Naugna igne, iara leghuni fabrahu kolho puhigu thegu na.

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Matiu 26:59

Hatimare mae pris ulu nei goro mae biꞌo teu igre fariuriu hirodi keha thoutonu chaghi te mala tangomana mare te mala fate faleheni mae Jisas.

Matiu 22:15

Hatimare mae Farasi ne tei kokoni vido te farirhiu mae Jisas igne. Mare hara phoge mala saosagroni mae Jisas baludi kaisei gusna.

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Profet Esikiel 2:6

Maegna ka nauthoglu, neuba naiknore ne tirodi ghau iara, ba tirodi fanomho ka iagho, ba ghaoghatho fadiꞌa eimu iagho, nu iagho thosei mhaghu, ba mhaghudi nodi cheke mare re. Nu iagho ginauna na jateula te au teu baludi bukrei khafrasege ra eghu, ba gnokro hoteidi gnaro te fachuchuru ra eghu. Nu iagho thosei mhaghudi unha te chekedi mare re.

Profet Jeremaea 1:17

“Jeremaea! Iagho tarabana mala tei toutonuni nogu cheke iara igre ka naiknore. Iagho thosei mhaghu ba suaraghi. Jame te mhaghudi iagho naiknore, iara ginauna famamhaghu nigho ke uludi mare.

Profet Isaia 57:11

“Ghotilo chaghi ghau iara fabrahu, naugna ghotilo mhaghudi fara god te chaichaghi igre. Naugna igne, ghotilo la ghatho iho ghauhi iara. Ba, ne au kmu fabrahu iara neu ne theome ghatho tahu ghau iara si ghotilo ia?

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Eklesiasti 7:1

Nafnakno na thofno keli fara salaꞌuni sedi te siri keligna na. Eghuteuna narane nate lehe iagho tagna igne thofno keli fara salaꞌuni narane teke karha meimu na.

Proveb 22:1

Jame ne kaisei mae keli iagho teu gaoghathodi naiknore te tusu ari nafnakno biꞌo ka iagho na, igne uludi nodi silva nei gol eghu hatimare mae dedei.

Nehemaea 6:12

Ke leghu na iara neke ghatho fakelini cheke igne eghuteuna iara laseni God neke theome chekeni igne ka mae Semaea. Theo. Mae Tobaea ghe mae Sanbalat neke folini mana mala eni mana cheke igne ka iara.