Nehemaea 5:8 - Buka Blahi Ka Cheke Holo

⁸ Ka faidu igne iara ne cheke eghu, “Kheraguro! Thono ninhigrana fara teke salo sileni mala teke foli fapulodi kherada teke sabiri tahati ka mae bongihehe te mala nodi naikno sneka mare ra. Nu gognarona ghotilo nhaꞌa lao puhi biꞌo ke klignadi kherada re, eghuteuna ghotilo sabiridi ka keha mae Jiu gre mala nodi naikno sneka mare!” Aonu mae mala baubatu igre ne kmu soru kolho ne theome ghagri kaisei cheke.

Nehemaea 5:8 ပူးပေါင်းရင်းမြစ်များ

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.

Ululahu Korin 8:11

Eghume nou glalase iagho eigna gano igne na batu fadiꞌani mae ihei te theome nheta nogna fatutuani na. Ba, ghotilo theome laseni Kraes teke lehe eigna mae kherada igne?! Tutuani, ghotilo laseni mae kherada igne mana kaisei mae biꞌo ka Kraes.

Letas Teke Riso Tei Mae Pol Ka Khiloau Rom 14:15

Jame kaisei kherami ka khiloau gne theome gleꞌani gano te ima ghotilo na, tuana gaoghathogna na ghotilo theome leghuni puhi mala fari namhai na. Kraes neke lehe mala fakarhini naikno tuana, eghume ghotilo mala theome neneini mana ka glepo te imani ghotilo na.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Matiu 25:29

Eghume ihei te loku fakeli ka unha te tusu ranghini iara na, iara nake fabruara ranghini. Eghuteuna ihei te theome loku fakeli ka unha teke tusu ranghini iara na, iara nake hata fadelei ka mana.’

Matiu 25:15

Aonu mana tusu lao sileni kmana ka thilomare leghuni nodi glalase na. Mana ne tusu lao ka kaisei mae gloku glima duku sileni. Ka keha mae gloku na, phei duku sileni. Eghuteuna, ka fatilo mae gloku na, kaisei duku sileni. Mana jifla ka namono na ne tei.

Matiu 22:12

Mae funei na ne cheke eghu ka mana, ‘Ghema kheraguo, faꞌunha ne mei agne sagho ia? Iagho theome nabamu te mei agne na, naugna iagho ne tirou pipichi pohe gaghamu tolaghi na.’ Aonu, mana ne theome tangomana te cheke tughu ka mae funei na.

Thoutonu Eigna Mae Job 32:15

“Job, thilo mae igre la sokmohi, eghume thilo mae igre theome tangomana te cheke tughu nigho na.

Thoutonu Eigna Mae Job 29:10

eghuteuna neubane mae nafnakno, mare jaola au kmu.

Diutronomi 24:7

“Jame kaisei mae lokini mae kheragna na eghuteuna huhuruni mana mala nogna naikno sneka, ba foli mala kaisei nogna sneka, te eghuna, ghotilo aknu falehe mae igne. Ghotilo aknu falehe mae igne mala koko puhi te diꞌa igne ka ghotilo.

Eksodas 21:16

“Ihei te blauni keha mae na, neuba mana ne sabirihi mala sneka neu, ba tathajiu, ghotilo aknu falelehe mae igne.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Nehemaea 5:9

Aonu iara ne cheke eghu, “Unha te eni ghotilo igne theome doglo! Te keli na ghotilo jame ghatho tahuni God, eghuteuna leghuni mana mala theome famamaja ghita naikno bongihehe te naoka ka tahati igre.