Nehemaea 4:7 - Buka Blahi Ka Cheke Holo

⁷ Nu kate nomhini mae Sanbalat ghe mae Tobaea baludi naiknodi Arebia, nei naiknodi Amon, nei naiknodi Asdod teu tekela babana fapulo ghehati vido ka gringni thina gna namono Jerusalem teke groꞌe igne, mare ne thono diꞌatadi fara.

Nehemaea 4:7 ပူးပေါင်းရင်းမြစ်များ

Nehemaea 4:1

Kate nomhini mae Sanbalat teke babana fapulo ghehati mae Jiu gringni thina igne, mana ne thono diꞌatagna fara, ne maꞌe ghami ghehati.

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Thakle 12:17

Aonu pholi biꞌo na ne diꞌatagna fara ka gaꞌase na ne tei magridi thugna naꞌa re. Thugna naꞌa igre iheire te leghuni fabrahu nogna vetula God nei fatutuanidi cheke te tutuani teke toutonudi mae Jisas re.

Mae Khuru 5:33

Kate nomhini igne, hatimare mae mala fate ne thono ngingiridi fara ne magnahaghei falehedi mae khurure.

Profet Emos 1:13

Lord ne cheke eghu, “Kmana fata naiknogna kantri Amon tapla jafra ka nakhibo. Mare theome gnafa katha vido ikoi ka puhi igne. Thono theo fara. Mare magra koba mala hata keha vido glose. Eghuteuna mare vahe pea thiꞌadi goro gaꞌase te bukla ka nohi Gilead mala lehe reꞌe. Eghume, iara ginauna na roꞌeni kantri Amon.

Profet Jeremaea 25:20

ba naikno phosa te mei au ka kantri Ijep. Eghuteuna iara na tusu lao waen igne ka mae king gna kantri Usi, ka mae king gna kantri Filistia te au ka namono Askelon, Gasa, Ekron nei naikno te au faleghu ka namono Asdod,

Profet Emos 1:8

Iara ginauna aknu falehe naiknogna namono biꞌo Asdod. Eghuteuna iara ginauna jaola aknu falehe king gna namono Askelon. Iara ginauna na roꞌeni namono biꞌo Ekron, eghuteuna iara ginauna falehedi gnafa naikno te karha teu ka kantri Filistia.” Igne chekegna Lord.

Nehemaea 2:19

Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Esra 5:8

“King, ghehati magnahaghei te cheke arini ka iagho, eigna ghehati neke tei sighoni nohi gna Juda, eghuteuna ghehati filoni naiknore la eni kaisei nogna Sugablahi majaghani God te nolaghi fara. Mare horo Suga igne ka thina biꞌo teke tei kato mare re, eghuteuna mare lilisei thaba biꞌo lamna ka gringnigna na. Mae igre loku heta fara mala doglo fakeli gobi lepogna Sugablahi igne, eghuteuna gloku igne la thofno keli fara.

Fapea Kronikols 20:1

Ke leghu, armigna Moab, nei armigna Amon, nei armigna Meun eghu mei ne magra ka King Jehosafat.

Fapea Kings 24:2

Aonu Lord ne kuruni armi gna Babilonia, armi gna Siria, armi gna Moab nei armi gna Amon mala mei magra ka King Jehoiakim. Armi igre mei ne goigonini Juda leghuni nogna cheke Lord teke chekeni hatimare mae profet tifa ra.

Ululahu Samuel 11:2

Nu King Nahas ne cheke eghu, “Keli fara! Iara tangomana te nhaꞌa cheke balumi ghotilo na. Nu kaisei glepo kolho, iara na bilo koko hui tathami ghotilo are mala kafe mamaja nomi ghotilo naiknomi Israel are.”

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Profet Emos 3:9

Ghotilo ehadi mae biꞌo te au ka nodi suga biꞌo ka namono Asdod, nei Ijep. Cheke eghu ka mare, “Ghotilo kafe tei khapru ka thogele Samaria mala filodi nafnata puhi te diꞌa te edi naiknodi namono tuare.”

Nehemaea 4:6

Eghume ghehati gognarona loku mala ke babana fapulo gringni thina igne. Eghuteuna na theome raugha, haghegna gringni thina igne la thokeni vido ka fafaja gna na, naugna naiknore sasaꞌa loku heta fara.

Nehemaea 4:8

Aonu mare ghaoghaho fodu ne mei Jerusalem mala magra nei ei puhi biꞌo eghu ka ghehati.

Nehemaea 6:16

Kate nomhini mae naoka gre tela gnafahi gringni thina igne na, gaoghathodi mae naoka gre ne glaꞌe soru, naugna mare te gnafa baludi kantri te au faligoho ghami ghehati igre filo glani God te togho ghami ghehati te ghilei gnafa gloku igne.

Profet Jeremaea 41:10

Thugna gaꞌase king nei keha naiknodi Mispa eghu teke lisei soru mae Nebusaradan mae funeidi nogna armi mae king gna Babilonia ke parigna nogna nolaghi mae Gedalaea igre ne kafe atha mae Ismael ne tei balugna ka kantri Amon.