Nehemaea 4:20 - Buka Blahi Ka Cheke Holo

²⁰ Kate nomhini ghotilo naoglagna trampet na, ghotilo faghose chari mei mala khapru faligoho ghau iara. Noda God tahati na ginauna magra ranghi ghita tahati!”

Nehemaea 4:20 ပူးပေါင်းရင်းမြစ်များ

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Diutronomi 20:4

Naugna Lord nomi God ghotilo na ginauna tei balumi ghotilo mala magra balumi ghotilo ka nomi naoka re, eghuteuna mana ginauna togho ghami ghotilo mala uluni ghotilo magra tuana.’

Diutronomi 1:30

Lord, nomi God ghotilo ginauna batu ghami ghotilo mala magra balumi ghotilo, jateula tela filonihi ghotilo Ijep

Josua 23:10

Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Profet Sekaraea 14:3

Aonu Lord ginauna jifla tei mala magra ka kantri igre jateula puhi te sughu eni fabrahu mana tifa kate magra na.

Nehemaea 4:19

Eghuteuna iara ne cheke eghu ka mae biꞌo nei mae mala baubatu nei keha naikno teure, “Gloku igne theome au ka kaisei vido kolho, eghuteuna tahati te gnafa na kegra fari fakhabai ka keha mae na ka gringni thina igne.

Nehemaea 4:21

Eghume leuleghu narane funu hamerane boibongi te ghilei romno te filoni ghehati nathunu na, ghehati kaisei tothoghei na mala loku ka gringni thina, eghuteuna keha tothoghei na kegra reireghi au balu goru.

Ululahu Kronikols 19:12

Mae Joab ne cheke eghu ka mae thabusigna na, “Jame te filoni iagho armigna Siria te ulu ghau iara na, iagho ginauna mei togho ghau iara, eghuteuna jame te filoni iara armigna Amon te ulu nigho iagho na, iara ginauna ari togho nigho iagho.