Nehemaea 4:14 - Buka Blahi Ka Cheke Holo

¹⁴ Iara filodi naiknore ne mhaghu nodi fara, aonu iara ne eha fabiꞌo ka mae biꞌo, nei ka mae mala baubatu, nei ka keha naikno ka namono na, ne cheke eghu ka mare, “Tore! Ghotilo thosei mhaghudi mae naoka gre! Ghathoni noda Lord mae ihei te au nolaghi fateote'o, nei haghe fara! Tahati kegra haghe mala magra fanogradi mae naoka gre mala theome tangomana mare te mei goigonidi kherada, nei thuda, nei khetoda, nei noda suga la teu igre!”

Nehemaea 4:14 ပူးပေါင်းရင်းမြစ်များ

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Naba 14:9

Eghume ghotilo thosei figri tagruni Lord! Ghotilo thosei mhaghudi naikno te au ka vido tuana, naugna mare theome naba ka tahati! Tahati ginauna goigonidi mare! Lord na au baluda tahati sia, eghuteuna mana la uludihi nodi god mare re, eghume ghotilo thosei nanga nomi eghu!”

Hibru 13:6

Eghume tahati jaola cheke eghu ka nagnafa te nheta, “Iara ginauna theome mhaghu naugna Lord na nogu thotogho iara. Neuba naiknore na eni kaisei glepo te diꞌa ba falehe ghau iara, iara ginauna theome tangomana te figri tagruni God na.”

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Nodi Khoje Hatimare Mae Jiu 66:3

Tahati cheke eghu ka God, “Gobigna lepo te edi iagho re thofno keli fara, nou nolaghi iagho na biꞌo e salaꞌui, nou naoka iagho re ne mhaghu nodi ne tufru soru, ne ghatho tahu nigho.

Nodi Khoje Hatimare Mae Jiu 65:5

Kate tore ari nigho ghehati na, iagho cheke tughu ghami ghehati, ne tangomana ghehati te uluni u magra na. Iagho edi glepo biꞌo te mala fakarhi ghami ghehati na. Naikno te gnafa ka nauthoglu igne fatutuani nigho iagho.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Nehemaea 1:5

ne cheke eghu, “Lord God gna kligna. Iagho haghe fara, eghuteuna ghehati mhaghu nomi fara te mei namo ka iagho na. Leuleghu fata na iagho tajini nou nhaꞌa cheke na, baludi iheire te namha nigho nei leghudi teu nou chekere.

Fapea Kronikols 32:7

“Kegra heta, thosei mhaghuni king gna Asiria balugna nogna armi biꞌo na! Nolaghi te au ka tahati na biꞌo salaꞌuni nogna nolaghi king na.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Nodi Khoje Hatimare Mae Jiu 143:5

Nu kate ghatho fapulodi iara narane tela salaꞌu ari ra, iara ke ghathodi unha teke edi iagho ka ghehatira.

Nodi Khoje Hatimare Mae Jiu 66:5

Tore, mei si ghotilo, mala filodi glepo te biꞌo te edi God igre. Uve, mei si ghotilo mala filodi gloku te biꞌo fara te edi mana farihoteidi naiknore igre.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Thoutonu Eigna Mae Job 37:22

Eghume jaola juta na, juta te phae fabiꞌo fara na jateula gol eghu, sigla mei ke raru. Eghuteuna siasigla gna nogna nolaghi biꞌo God na, tahati mhaghu nodani fara.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Profet Daniel 11:32

King ginauna famaemahedi iheire te theome thofno fatutuani mala figri tagruni God. Nu naikno te leghuni puhigna God te doglo na ginauna kegra heta na theome leghuni nogna cheke mana na.

Profet Sekaraea 14:3

Aonu Lord ginauna jifla tei mala magra ka kantri igre jateula puhi te sughu eni fabrahu mana tifa kate magra na.