Nehemaea 3:3 - Buka Blahi Ka Cheke Holo

³ Vikegna mae Hasena igre, mare neke babana fapulo grengatha te kiloi Grengatha Sasa aheva te mala foli sasa naiknore igne. Mare lilisei thaba biꞌo ka grengatha na, eghuteuna famaku lao phei bobotho biꞌo igre. Aonu mare lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho igre.

Nehemaea 3:3 ပူးပေါင်းရင်းမြစ်များ

Nehemaea 12:39

Aonu ghehati tei ne salaꞌuni Grengatha Efrem, nei Grengatha Jesana, nei Grengatha Sasa, nei nogna Thoa Hananel, nei Grengatha gna Gobi, tei posani Grengatha Sipu. Aonu ghehati nolo ne tei ne gnafa rhegna nodi Grengatha mae Greireghi.

Fapea Kronikols 33:14

Ke leghudi igre, Manase neke babana fapulo gringni thinagna namono biꞌo Jerusalem ka vido te kiloni mare nogna Namono biꞌo King Devet. Mana neke eni haghe kligna gringni thina igne. Mana neke fufunu loku fei ke mosu glogu glokha khoꞌu Gihon ne tei thoke ka Grengatha Sasa ne lithui ne tei ka thogele Ofel. Aonu mana ne vahidi mae komanda di armi mala au ka namono te gnafa Juda.

Profet Sefanaea 1:10

Lord ne cheke eghu, “Ka Narane tuana, ghotilo na nomhidi naiknore ginauna kegra tanhi fabiꞌo rhegna grengatha te kiloi Grengatha Sasa ka namono biꞌo Jerusalem. Ka keha vido ke lamnagna namono tuana, naiknore ginauna tanhi fabiꞌo. Eghuteuna ghotilo ginauna nomhidi naogladi suga te grofo pari ka thogele ke holo.

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Nehemaea 7:1

Kate gnafa gringni thina igne, ghehati ne famamhaku bobothodi grengatha igre, aonu iara ne vahidi mae Livaet mala sekiuriti di grengatha igre, eghuteuna kehare mala kwaea gna Sugablahi igne.

Nehemaea 6:1

Ghehati ne babana fahui gringni thina igne, jare theo kaisei khora te au tagna na. Nu ghehati theome nhaꞌa lao ngau bobothodi grengatha re. Kate nomhi mae Sanbalat, mae Tobaea, mae Gesem maegna Arebia, nei keha mae naoka te gnafa igre ne thoutonu eigna glepo igne, mae Sanbalat ghe mae Gesem, phiamare ne famei kaisei nonomho ka iara. Phiamare ne cheke eghu, “Iagho mei filo ghami ghepa ka namono Keferim jare ka Glogu Ono.” Nu iara lasedi phiamae igre magnahaghei te chaghi ghau iara mala goigoni ghau iara eghu kolho.

Nehemaea 3:6

Mae Joeada thugna mae Pasea, balugna mae Mesulam thugna mae Besodea, phiamare babana fapulo Grengatha Jesana. Mare lilisei thaba biꞌo ka phei gerigna grengatha na, eghuteuna famaku lao phei bobotho biꞌore. Eghuteuna mare lilisei aean ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igre.

Nehemaea 3:4

Mae Meremot thugna mae Iuraea gragna mae Hakos igne, mana babana fapulo keha vidogna gringni thina igne. Mae Mesulam thugna mae Berekaea gragna mae Mesesabel, mana loku keha vidogna na. Mae Sadok thugna mae Bana, mana loku keha vidogna na.

Nodi Khoje Hatimare Mae Jiu 147:13

Mana eni famaku grengathagna noda namono tahati igne, nei fablahi ghita tahati naikno te au teu ke lamnagna.

Esra 2:35

Sena: 3,630.

Nehemaea 7:38

Sena: thilo thogha nheva gobi tolufului.