Nehemaea 2:19 - Buka Blahi Ka Cheke Holo

¹⁹ Nu kate nomhini mae Sanbalat maegna Bet-Horon, nei mae Tobaea maegna Amon, nei mae Gesem maegna Arebia eigna glepo igne, thilo mae igre maꞌe ghami ghehati fara ne cheke eghu, “Ei! Unha site ghathoni mala eni teu ghotilo gnea? Ba, ghotilo magnahaghei te magra ka king sia?”

Nehemaea 2:19 ပူးပေါင်းရင်းမြစ်များ

Nehemaea 6:6

Cheke ka letas igne ne cheke eghu, “Naikno ka kantri te au faligoho ghita igre la nomhidihi keha nonomho, eghuteuna mae Gesem jaola chekeni igne. Te nomhini mare na ghotilo roghe poru mala magra ka king, naugna tuana teke babana fapulo ghotilo gringni thina igne. Nonomho igne jaola chekeni te iagho magnahaghei te nodi king mare.

Nonomho Te Keli Teke Risoi Mae Mak 5:40

Nu naiknore ne maꞌeni kolho mae Jisas. Mae Jisas ne chekedi naiknore mala jifla ka suga na. Aonu mana hata balugna kmagna, idogna nei thilo mae fanomhore ne ruma ka chogho te thuru teu sua gaꞌase na.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Jone 19:12

Kate nomhini mae Paelat cheke igne, mana ne funu hiro phoge te mala snakre teini mae Jisas. Eghuteuna, mae Jiu gre ne eha fabiꞌo eghu ka mae Paelat, “Te snakre teini iagho mae igne na, ghehati lase nigho iagho theome kheragna Sisa mae funei biꞌo gna Rom na eghu. Naugna mae ihei te kiloni thegna mae king na, mana theome keli ranghini mae Sisa.”

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Profet Jeremaea 20:8

Kate toutonuni iara chekemu iagho na, iagho neke snakre ghau iara mala cheke fabiꞌo nei fnaja eghu eidi puhi nate paradi iagho naiknore. Nu leuleghu fata na mare maꞌe ghau nei cheke fapari ghau eghu iara.

Nodi Khoje Hatimare Mae Jiu 80:6

Iagho neke snakredi naiknodi keha kantri te au faligoho ghami ghehati gre mala magra mare ka ghehati mala atha nomi kantri ghehati gne. Hatimare mae naoka gre cheke fadiꞌa ghami fara ghehati.

Nodi Khoje Hatimare Mae Jiu 79:4

Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Thoutonu Eigna Mae Job 30:1

“Gognaro na iara kuekuꞌe, eghuteuna mae majaghani igre mare maꞌe ghau iara. Kmadi re theo nafudi fara. Mae kuekuꞌe igre theome nabadi te toghodi nogu khuma iara re mala reireghidi sipu re!

Nehemaea 6:9

Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”

Nehemaea 4:1

Kate nomhini mae Sanbalat teke babana fapulo ghehati mae Jiu gringni thina igne, mana ne thono diꞌatagna fara, ne maꞌe ghami ghehati.

Nehemaea 2:10

Nu mae Sanbalat maegna ka namono Bet-Horon ghe mae Tobaea, maegna ka namono Amon, phei mae biꞌogna provins. Kate nomhini phiamare nonomho te mei iara te mala toghodi naiknodi Israel teuna, phei mare ne diꞌatadi fara.

Matiu 9:24

mana ne cheke eghu, “Ghotilo kafe jifla kosi! Naugna sua gaꞌase igne theome lehe, nu naꞌa thuru kolho!” Mare ne kafe maꞌe fabiꞌo ka mana.

Nehemaea 13:28

Kaisei thugna pris biꞌo Joeada, thugna mae Eliasib, mana tolaghi ka thugna gaꞌase Sanbalat, maegna ka namono Bet-Horon. Ka puhi igne iara neke khi fajiflani mana Jerusalem.

Nodi Khoje Hatimare Mae Jiu 123:4

Naugna funu tifa te mei na mae te dedei gre, mare ghatho tahudi fara thedi igre, mare cheke fapari ghami ghehati.

Profet Jeremaea 41:10

Thugna gaꞌase king nei keha naiknodi Mispa eghu teke lisei soru mae Nebusaradan mae funeidi nogna armi mae king gna Babilonia ke parigna nogna nolaghi mae Gedalaea igre ne kafe atha mae Ismael ne tei balugna ka kantri Amon.

Nodi Khoje Hatimare Mae Jiu 80:7

God, ke hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Profet Isaia 36:5

Iagho jame ne mae nheta themu ne laseni puhigna magra na eghu, nu iagho fiti cheke nou kolho. Ba, ihei gne te ronuni iagho nate togho nigho kate mei magra ka iara na?