Nehemaea 2:17 - Buka Blahi Ka Cheke Holo

¹⁷ Nu ka narane igne iara ne cheke eghu ka mare, “Ghotilo la lasenihi puhi biꞌo te thoke ghita tahati igne. Gringni thina gna namono Jerusalem igne la nghuja tafri la khoko pari, eghuteuna grengatha igre la gnubrahi ka khaꞌaghi. Tahati nake babana fapulo gringni thina igne, mala theome mamaja noda fabrahu tahati tagna.”

Nehemaea 2:17 ပူးပေါင်းရင်းမြစ်များ

Profet Esikiel 5:14

“Iara ginauna thono diꞌatagu fara ka ghotilo, iara na para fadiꞌa ghami fara ghotilo. Iara ginauna goigoni ghami ghotilo. Eghuteuna kate tei ruma naiknodi ka keha kantri are ka nomi namono ghotilo re eghuteuna filodi unha te edi jare re teuna, mare ginauna pukuni rhana nodi fara, eghuteuna ghotilo ginauna jateula kaisei khaꞌaghi biꞌo eghu nogna papara God ka mare. Kate mei te lithui ghami naiknodi keha kantri igre mare ginauna maꞌe ghami ghotilo, nei thofno cheke fadiꞌa ghami ghotilo.

Nehemaea 1:3

Aonu mare ne cheke eghu ka iara, “Naikno karha teku teke figri ka nohi Juda ra, puhi biꞌo thoke ghami ghehati, eghuteuna ghehati thono mamaja nomi fara. Gringni thinagna namono biꞌo Jerusalem ia la diꞌahi, eghuteuna grengathagna ra gnhubrahi ka khaꞌaghi.”

Nodi Khoje Hatimare Mae Jiu 79:4

Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Lamentations 3:51

Kate filoni iara puhi biꞌo te thokedi goro gaꞌasegna namono Jerusalem, iara ne thofno diꞌanagnafagu fara ne tanhi fabiꞌo.

Lamentations 2:2

Suga te gnafa ka namono te gnafa Juda igre, Lord theome kokhoni nognadi. Mana diꞌatagna fara ne paꞌe soru ne gnafa suga mala poru ka namono igne. Mana goigoni fahui kantri igre baludi hatimare mae funei te gnafa igre mala mamaja nodi naiknore.

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Nodi Khoje Hatimare Mae Jiu 79:12

Lord, naiknodi keha kantri are cheke fadiꞌa nigho iagho. Paradi fabrahu sagho eidi cheke te diꞌa tuare.

Nodi Khoje Hatimare Mae Jiu 44:13

Naikno te au falithui ghami igre filoni unha te eni iagho na ne cheke fapari ghami nei maꞌe ghami neu ghehati.

Ululahu Samuel 11:2

Nu King Nahas ne cheke eghu, “Keli fara! Iara tangomana te nhaꞌa cheke balumi ghotilo na. Nu kaisei glepo kolho, iara na bilo koko hui tathami ghotilo are mala kafe mamaja nomi ghotilo naiknomi Israel are.”

Nehemaea 2:13

Ka bongi tuana, ghehati ne tei salaꞌu ka Grengatha Glogu ke mosu namono. Eghuteuna ghehati tei ke mata leghuni gringni thina na mala tei posa ka Nogna Glokha Khoꞌu Mogo nei Grengatha mala Hata Koko Chara, jare ke mata khukrugna gringni thina na. Ghehati tei ne filodi vido gringni thina teke goigoni mae naoka tifa ra, baludi grengatha teke gnhubra ka khaꞌaghi ra.

Nehemaea 2:16

Hatimare mae biꞌodi Jerusalem igre theome laseni unha te eni iara na, ba tei aheva, naugna mei te posa ka narane tuana iara theome cheke thakleni nogu gaoghatho na ka mae Jiu gre, neubane mae pris ba mae lida, ba mae biꞌo, ba mae ihei nate lokugna gringni thina igne.

Nehemaea 3:15

Mae Salum thugna mae Kolose, mae ihei te mae biꞌo ka nohi Mispa, mana neke babana fapulo Grengatha Glokha khoꞌu igne. Mana ghaghata ke kligna gna, eghuteuna famaku lao phei bobotho biꞌo, eghuteuna mare jaola lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igne. Mana jaola babana fapulo gringni thina lithuini Kholo Siloa, rhegna nogna nagare king. Eghuteuna mana loku keha vido ka gringni thina te tei posani lada biꞌo te soru funu ka nogna namono biꞌo King Devet tifa.

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Nodi Khoje Hatimare Mae Jiu 44:14

Iagho neke eni igne ka ghehati mala jateula kaisei glepo te mala cheke fapari nodini naiknodi keha kantri gre eghu kolho. Mare filo uchu fabrahu ka ghehati ne maꞌe ghami ghehati.

Nodi Khoje Hatimare Mae Jiu 102:15

Naikno te gnafa ka kantri te gnafa igre ginauna ghatho tahuni Lord. Uve, hatimare mae king ka nauthoglu na gre ginauna na jaola fafnaknoni mana eigna nogna nolaghi biꞌo na.

Profet Maeka 7:11

Ka narane tuana, ghotilo naiknomi Jerusalem mala ke babana fapulo gringni gna namono igne. Eghuteuna nomi nohi ghotilo gne ginauna nake biꞌo.