Nehemaea 13:25 - Buka Blahi Ka Cheke Holo

²⁵ Iara cheke faheta ka naikno igre ne kilo mei puhi biꞌo mala thokedi mare. Kehare iara puphuri, eghuteuna kehare iara korho koko khakladire mala mamaja nodi mare. Iara huhurudi mare mala nhaꞌa cheke ka nanghagna God, mala thosei snakredi mare thudi gaꞌasere mala tolaghi ka thudi nalhaꞌu mae bongihehe, eghuteuna mare mala thosei hata thudi gaꞌase naikno bongihehe igre mala tolaghi ka thudi nalhaꞌu mare re.

Nehemaea 13:25 ပူးပေါင်းရင်းမြစ်များ

Nehemaea 13:17

Aonu iara diꞌatagu fara ne cheke faheta eghu ka mae mala baubatudi Juda gre, “Filo si ghotilo! Ghotilo la goigoni narane Sabat igne la jateula fiti narane ra lau kolho.

Esra 10:5

Aonu mae Esra kegra haghe ne cheke faheta ka phaꞌu maedi hatimare mae pris nei mae Livaet nei hatimare mae biꞌodi Israel mala eni kaisei nhaꞌa cheke ka God, jateula unha teke chekeni mae Sekanaea ia eghu.

Diutronomi 7:3

Ghotilo mala thosei snakredi thumi nalhaꞌure mala tolaghi ka thudi gaꞌase mare re, eghuteuna thudi nalhaꞌu mare igre thosei mei tolaghi ka thumi gaꞌase ghotilo re.

Nehemaea 13:11

Aonu iara ne cheke faheta ka hatimare mae mala baubatu igre, ne cheke eghu ka mare, “Naugna unha si ghotilo te theome fiofiloni nogna Sugablahi God gnea?” Aonu iara ne kilo meidi hatimare mae Livaet igre neke lisei fapulodi ka nodi glokure mala ke loku fapulo mare.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Proveb 28:4

Iheire te huhughuni vetula na cheke fahaehagheni mae te diꞌa na, nu iheire te kelitadi ka vetula na, mare tirodini mae te diꞌa na.

Nodi Khoje Hatimare Mae Jiu 15:4

Mana theome mala fofodu ka ihei te tapla jafra ka nakhibo, nu mana mala ghatho tahudi iheire te leghu nigho re. Mana mala edi unha teke nhaꞌa chekedi thegna re, neubane ninhigrana ranghini.

Nehemaea 5:13

Iara hata koko nhugha teke hugha teku iara na, eghuteuna iara ne bue tei ne cheke eghu, “God ginauna jateula igne eghu bue teini delei ihei te theome tajini nogna nhaꞌa cheke na. Uve, God ginauna hata fadelei nogna suga nei gobigna lepo eghu teke khotodi manare, eghuteuna ginauna theo kaisei glepo nate lisei fapulo malamu iagho na.” Mare te gnafa na ne kafe eha eghu fabiꞌo, “Amen! Leghuni unha te chekeni iagho tuana!” Eghuteuna mare te gnafa na ne kafe cheke fakelini Lord. Aonu mae mala baubatu igre ne tajini nhaꞌa cheke teke chekeni mare na.

Esra 7:26

Jame ihei te theome leghudi nogna Vetula nou God iagho gne, nei theome leghudi vetula gna nogu provins iara igne teuna, naikno tuana nabagna te faghosei parani. Eghuteuna papara igne nabagna nogna najafra mana na. Mare ginauna aknu faleheni, ba khini mala jifla mana ka nogna glose na mala tei au ka keha kantri delei, ba hata fadelei gobigna lepo teke khotodi manare, ba koko laoni ka suga sosolo.”

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Eksodas 34:16

Glahu atha ghotilo thudi gaꞌase mare tuare mala tolaghi ka thumi nalhaꞌu re, ka nafnata puhi igre, goro gaꞌase tuare ginauna korho thumi nalhaꞌu ghotilo tuare mala tei koko ghau iara mala tei leghudi nodi god naikno bongihehe igre.

Josua 23:12

“Ghotilo laseni igne, jame te figri tagruni nei theome leghuni teu ghotilo Lord te loku fodu baludi naikno bongihehe are ba tolaghi ka thudi gaꞌase mare re, ba snakredi mare mala tolaghi ka thumi gaꞌase ghotilo re, Lord ginauna tirogna togho ghami ghotilo. Eghuteuna jame te fofodu ghotilo ka naikno bongihehe are nei tei magra baludi mare teuna, Lord ginauna tirogna ngolhi fajifladi naikno bongihehe te au ka nomi namono ghotilo are. Jame te loku fodu ghotilo ka puhidi mare te thono diꞌa fara are na, mare ginauna na jateula kaisei phighoro eghu mala fakhale ghami ghotilo. Eghuteuna ghotilo ginauna na jateula te snoꞌo ke lamnagna kaisei khora ra eghu. Eghume puhidi mare te diꞌa tuare ginauna para ghami ghotilo jateula te puphuri naikno ka thagrumi ghotilo ra eghu, ba jateula nila te churu ka tathami ghotilo ra eghu. Eghuteuna ginauna na theo kaisei naikno ka ghotilo nate au ka namono teke tusu arihi mana ka ghotilo igne.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Nehemaea 13:24

Eghuteuna keha thudi mare igre theome lase cheke ka chekegna Juda. Keha ka mare cheke ka chekegna Asdod, eghuteuna keha ka mare cheke ka keha nafnata chekei.

Nodi Khoje Hatimare Mae Jiu 119:53

Iara ne thono diꞌatagu fara kate filodi iara naikno te diꞌa te theome leghudi nou cheke iagho re.

Nehemaea 5:6

Kate nomhidi iara nodi cheke naiknore igre, iara ne thono diꞌatagu fara. Eghume iara ne