Nehemaea 13:23 - Buka Blahi Ka Cheke Holo

²³ Keha glepo te filoni iara ka narane igne. Ulu lahu na, kmana maedi Juda tolaghi ka gaꞌasedi Asdod, nei Amon, nei Moab.

Nehemaea 13:23 ပူးပေါင်းရင်းမြစ်များ

Nehemaea 10:30

“Ghehati nhaꞌa cheke mala theome snakredi thumi gaꞌase gre mala tolaghi ka mae nalhaꞌudi keha kantri te au faligoho ghami igre. Eghuteuna ghehati ginauna theome tangomana te hata thudi gaꞌase mare re te mala tolaghi ka thumi nalhaꞌu ghehati gre.

Esra 10:10

Esra khegra ke uludi mare ne cheke eghu, “Ghotilo maemi Israel! Ghotilo theome fatutuani ni God! Ghotilo tolaghi ka gaꞌase bongihehedi delei, eghume tahati naiknoda Israel nabada te papara.

Fapea Korin 6:14

Ghotilo nhogri ka iheire te theome fatutuani, eghume thosei fariuriu loku baludi. Eigna unha te keli na theome tangomana te loku fodu ka unha te diꞌa na. Eghuteuna u naphae na theome tangomana te au fodu ka gromno na.

Nehemaea 13:1

Ka narane igne naiknore mei ne khapru, eghuteuna mare ne iuꞌiju fabiꞌo nogna Vetula mae Moses na mala tangomana naiknore te kafe nomhini. Kate nomhini igne, mare laseni te theo kaisei ka vikegna Amon, ba ka vikegna Moab te au nodi nolaghi te mala gnokro baludi mae Israel ka nogna nakhapru God na.

Esra 10:44

Mae te gnafa igre tolaghi ka gaꞌase bongihehe. Eghuteuna mare koko khetodire neke kuru teidi balu thudi.

Nehemaea 4:7

Nu kate nomhini mae Sanbalat ghe mae Tobaea baludi naiknodi Arebia, nei naiknodi Amon, nei naiknodi Asdod teu tekela babana fapulo ghehati vido ka gringni thina gna namono Jerusalem teke groꞌe igne, mare ne thono diꞌatadi fara.

Ululahu Samuel 5:1

Kate hata maedi Filistia gre nogna Bokis Blahi God na, mare pala funu ka namono Ebenesa ne tei thoke ka namono Asdod.

Eksodas 34:11

Nu ghotilo famane fanomho fakeli ka gobigna lepo te tusu ari iara ka ghotilo gognaro igre. Iara ginauna tei ke ulumi ghotilo mala ngolhi fajifladi vikegna Amo, nei vikegna Kenan, nei vikegna Het, nei vikegna Peris, nei vikegna Hivi, nei vikegna Jebus.

Diutronomi 7:1

Aonu mae Moses ne cheke eghu, “Lord, nomi God ghotilo na ginauna hata ghami ghotilo tei mala hata glose ka vikegna mae Het, nei ka vikegna mae Gigas, nei ka vikegna mae Amoa, nei ka vikegna mae Kenan, nei ka vikegna mae Peris, nei ka vikegna mae Hivi, nei ka vikegna mae Jebus. Mana ginauna ngolhi fajifladi keha naikno te au ka glose igne. Eghuteuna neuba fitu vike igre ne nheta ulu ghami ghotilo,

Ululahu Kings 11:1

King Solomon magnahagheidi fara kmana gaꞌasedi keha kantri are. Ulu lahu na mana tolaghi ka thugna gaꞌase king gna Ijep, eghuteuna mana tolaghi ka keha gaꞌase ka vikegna mae Het, nei gaꞌase di Moab, Amon, Idom, nei Saedon.

Nehemaea 13:24

Eghuteuna keha thudi mare igre theome lase cheke ka chekegna Juda. Keha ka mare cheke ka chekegna Asdod, eghuteuna keha ka mare cheke ka keha nafnata chekei.

Nehemaea 13:27

Te nomhini iara na ghotilo jaola edi nafnata glepo te diꞌa igre! Naugna unha si ghotilo te huhughuni noda God ka puhi te tolaghi ka gaꞌase bongihehe grea?”

Thoutonu Eigna Rut 1:4

Aonu mae Kilion ne tolaghi ka Opa eghuteuna mae Malon ne tolaghi ka Rut neu, ne au soru jare nabotho finogha.

Nehemaea 10:31

“Jame te mei naiknodi delei te sabiri gano ba keha glepo ka ghehati kau narane Sabat, ba ka keha narane blahi igre na, ghehati ginauna theome foli ka mare. Eghuteuna ka fafitu finogha na ghehati ginauna na theome joꞌu gano ka nagare. Jaola ka finogha igne, ghehati ginauna fahuidi kaoni teke edi naikno gre ka ghehati ra.