Nehemaea 13:22 - Buka Blahi Ka Cheke Holo

²² Iara cheke ka hatimare mae Livaet mala tei fagaedi thedi ka tathagna God. Gnafa teuna, mae Livaet mala reireghi grengatha igre tei ne filo ka grengatha tuare, mala laseni naiknore te leghu fakelini vetulagna narane Sabat gne ba theo. Nogu God, naugna glepo igne iara jaola ne eni igne, ghatho ghau nei keli ranghi ghau eghu iara, naugna iagho ne ghatho tahu ghau iara fara.

Nehemaea 13:22 ပူးပေါင်းရင်းမြစ်များ

Nehemaea 12:30

Aonu mae pris nei mae Livaet teu igre ne fagaedi thedi ka tathagna God, eghuteuna ke leghugna igne, naiknogna namono na, nei gringni thina na, baludi grengatha re mala jaola gae ka tathagna God.

Nehemaea 13:14

Nogu God, ghatho ghau nei thosei ghatho ihodi unha gloku te keli te edi iara ka nou Sugablahi igne, nei iara fadoglidi puhi te mala tufru soru nigho iagho.

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Profet Isaia 38:3

“Lord, ghatho ghau. Iara loku ranghi nigho ka nogu nolaghi fateote'o nei ka gaoghathogu fateote'o, eghuteuna iara fariuriu fara te mala edi gobigna lepo te magnahaghedi iagho re.” Eghuteuna kate tore te gnafa na, mana ne funu tanhi fabiꞌo naugna mana ne diꞌanagnafa fara.

Nodi Khoje Hatimare Mae Jiu 130:7

Tahati naiknoda Israel ra, tahati mala au noda grouronu ka Lord, naugna nogna namha mana thono biꞌo fara, nei magnahaghei fara fakarha ghita na.

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Nodi Khoje Hatimare Mae Jiu 5:7

Naugna ka nou namha biꞌo iagho ranghi ghau iara, iara nabagu te tei ruma ka Sugamu iagho te blahi na. Iara ginauna na tei ka sugamu iagho te blahi tuana mala tufru soru nigho nei tarai eghu.

Nehemaea 12:10

Mae pris biꞌo Jesua gne kmagna mae Joeakim, eghuteuna mae Joeakim gne, kmagna mae Eliasib, eghuteuna mae Eliasib gne kmagna mae Joeada,

Nehemaea 5:19

Aonu Nehemaea ne tarai, “Nogu God, ghathodi glepo te keli teke edi iara ranghidi naikno igre.”

Fapea Kronikols 29:30

King Hesekaea baludi nogna goro mae biꞌore ne chekedi hatimare mae Livaet mala kojeni khoje teke rioriso King Devet ghe Profet Asaf. Aonu mare ne glealeꞌa fara te cheke fakelini Lord ka khoje igre, eghuteuna mare ne theome gnafa te pogho soru nei cheke fakelini Lord.

Fapea Kronikols 29:27

Aonu King Hesekaea ne cheke ka mare mala edi fafara te thofno krono fara. Kate fufunu fafara na, mare ne funu koje ne kilo fnaknoni Lord, eghuteuna hatimare mae pris gre ne ifu nodi khufli re, eghuteuna hatimare mae Livaet ne lalahu nodi gita nei thua nafnata glepo te mala koje.

Fapea Kronikols 29:24

Mae pris igre ne aknu falehe nanigot igre. Eghuteuna mare ne nhaꞌa lao dadaradi re ke kligna olta. Igne fafara ranghidi naikno te gnafa ka vikegna Israel te mala doglo ka tathagna Lord. Mare eni igne naugna king neke cheke ka mare mala eni fafara te thofno krono fara, eghuteuna mare fafara mala kafe doglo mare ka tathagna Lord.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Diutronomi 5:12

Ghotilo tajini narane Sabat blahi, leghuni unha teke chekeni iara ka ghotilo tifa ia.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.