Nehemaea 13:13 - Buka Blahi Ka Cheke Holo

¹³ Iara vahidi Pris Selemaea ghe mae Sadok mae velepuhigna nogna Vetula God, nei kaisei mae Livaet, nanghagna na mae Pedaea mala fiofilodi chogho igre. Eghuteuna iara vahini mae Hanan thugna mae Sakua, gragna mae Matanaea mala toghodi mare. Iara vahidi mae igre, naugna mare tangomana te eni puhi te doglo na. Nodi gloku mare na mala tufa fakeli glepo blahi igre ka kheradi re.

Nehemaea 13:13 ပူးပေါင်းရင်းမြစ်များ

Nehemaea 7:2

Eghuteuna iara vahini mae thabusigu Hanani, balugna mae Hananaea mae ihei te komanda ka vido te keli te mala poru ka namono igne, mala fiofiloni phiamare namono Jerusalem. Iara vahini mae Hananaea gne naugna naiknore tangomana te ronuni mana na, eghuteuna mana jaola thofno ghatho tahuni God, salaꞌudi keha kmana naiknore.

Fapea Kings 22:7

Nu iagho chekedi mae pris ra mala thosei nangani mare sileni te au ka buka na, naugna puhidi mae gloku igre thofno doglo fara.”

Ululahu Korin 4:2

Tutuani, mae gloku na mala eni gloku te keli ranghini nogna funei na.

Mae Khuru 6:3

Eghume te keli na kheraguro, ghotilo vahidi fitu mae ka themi malagna gloku igne. Ka mae iheire te keli, lalase nei mae Tharunga te Blahi na au baludi.

Mae Khuru 6:1

Kau narane tuare kmana kmana naikno ne fatutuani ni mae Jisas. Eghuteuna naikno khiloau te lase cheke Griki re ne theome gleꞌani nafnata thufa sileni te eni naikno khiloau te au Jerusalem re ne cheke eghu, “Goro gaꞌase te lehe khetodire igre ne theo thufadi ka sileni te tufa ghotilo leghu narane ra.”

Nehemaea 12:44

Ka narane igne, mare ne vahini kaisei tothoghei ka hatimare mae Livaet mala fiofiloni chogho stoa ka Sugablahi na. Jare te lilisei mare gano majaghani teke hata mei ka nagare nei fabothodi nodi gobigna lepore teuna. Glepo igre maladi hatimare mae pris nei hatimare mae Livaet, ka puhi igne mare tangomana te au ghedi gano nei glepo teuna, leghuni unha te chekeni ka nogna Vetula God na. Mae Livaet igre, mare jifla tei ka nagare te au faligoho ka namono na igre mala salo glepo igre, nei hata mei ka chogho te mala lilisei glepo ka Sugablahi na. Naiknodi Juda igre thofno kelitadi fara te eni igne, naugna mae pris nei mae Livaet teu igre mare loku fakeli fara.

Fapea Kings 12:15

Mae funeidi mae gloku igre loku fakeli fara fei sileni na, naugna puhidi mae igre thofno doglo fara.

Ululahu Timoti 3:10

Mae ihei te magnahaghei totogho ka khiloau na, iagho ulu lahu na kulu filo fakelini ghu mana. Eghuteuna kate laseni iagho te keli mana nakarhagna na, iagho tangomana te snakreni mana mala loku ka khiloau.

Ululahu Timoti 1:12

Iara cheke fakelini mae Jisas Kraes noda Lord eigna mana rouronu ghau iara mala loku ranghini. Mana neke tusu ranghi ghau iara nanheta malagna gloku blahi igne.

Luku 12:42

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagnani mae funei na ia? Mae gloku te lalase fara te leghuni fabrahu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Nehemaea 12:35

Ke leghudi mae igre, keha mae pris te ifu trampet ne tei ke leghu. Kaisei ka mae igre mae Sekaraea, thugna mae Jonatan. Mae Jonatan, thugna mae Semaea, thugna mae Matanaea, thugna mae Mikaea, thugna mae Sakua, nei thugna mae Asaf.

Nehemaea 11:22

Nodi lida biꞌo mae Livaet te au Jerusalem na mae Usi thugna mae Bani, gragna mae Hasabaea baludi mae Matanaea ghe mae Mika. Eghuteuna mana vikegna mae Asaf, mare te batu gna khoje kate tarai ka nogna Sugablahi God na.

Nehemaea 10:12

nei mae Sakua, nei mae Serebaea, nei mae Sebanaea,

Nehemaea 8:4

Eghuteuna mae Esra ne kegra ka sape teke horo mare malagna narane igne teku na. Eghuteuna mae te kegra fei nhetagna mana re, mae Matitaea, nei mae Sema, nei mae Anaea, nei mae Iuraea, nei mae Hilkaea, nei mae Masea. Eghuteuna mae te kegra fei mairi gna manare, mae Pedaea, nei mae Misael, nei mae Malkaeja, nei mae Hasum, nei mae Hasbadana, nei mae Sekaraea, nei mae Mesulam.

Nehemaea 3:30

Ke leghugna mana na, mae Hananaea thugna mae Selemaea, balugna mae Hanun, fafamno thugna nalhaꞌu mae Salaf, phiamare ne loku fapea vido na. Ke leghugna mana na, mae Mesulam thugna mae Berekaea, mana loku keha vido gringni thina te au ke ulugna nogna suga na.

Nehemaea 10:38

Kate tei mae Livaet igre te mala salo fabothodi igre, kaisei mae pris ka tharaknagna mae Eron igre ginauna tei baludi mare. Eghuteuna mae Livaet igre ginauna jaola tei hata mei kaisei vido ka fabothodi nodi glepo re, eghuteuna mare hata glepo igre tei lilisei ka choghogna nogna Sugablahi God na, ka vido aheva te lilisei mare keha glepo blahi te mala loku ka Sugablahi na.

Fapea Kings 12:16

Nu sileni te fafara kate poloru, nei sileni te fafara te mala doglo ka tathagna Lord na teu igre theome mala lilisei ka bokis, naugna mala nodi mae pris kolho.