Nehemaea 12:39 - Buka Blahi Ka Cheke Holo

³⁹ Aonu ghehati tei ne salaꞌuni Grengatha Efrem, nei Grengatha Jesana, nei Grengatha Sasa, nei nogna Thoa Hananel, nei Grengatha gna Gobi, tei posani Grengatha Sipu. Aonu ghehati nolo ne tei ne gnafa rhegna nodi Grengatha mae Greireghi.

Nehemaea 12:39 ပူးပေါင်းရင်းမြစ်များ

Nehemaea 3:1

Igre mae iheire teke babana fapulo gringni thina igne: Mae pris biꞌo Eliasib baludi keha mae pris igre teke babana fapulo Grengatha Sipu na. Mare ne fablahi grengatha igne ka Lord, eghuteuna mare ne fagefe haghe phei grengatha biꞌo gnare. Kligna ka gringni thina igne au suga mala toetoe, eghuteuna hatimare mae pris gre ne fablahi ka gringni thina igne ne tei posa ka nogna suga mala toetoe mae Handred nei nogna suga mala toetoe mae Hananel.

Nehemaea 8:16

Aonu naiknore tei ne hata ne mei ne horo grorofe igre ke kligna nodi suga, nei ke lamna glalaba lithuidi nodi suga re, nei ke lamna glalaba biꞌo lithuigna nogna Sugablahi God, nei ka glalaba biꞌo ke ulugna Grengatha mala Hata Khoꞌu igne, nei ka glalaba ke ulugna Grengatha Gna Efrem.

Nehemaea 3:6

Mae Joeada thugna mae Pasea, balugna mae Mesulam thugna mae Besodea, phiamare babana fapulo Grengatha Jesana. Mare lilisei thaba biꞌo ka phei gerigna grengatha na, eghuteuna famaku lao phei bobotho biꞌore. Eghuteuna mare lilisei aean ka phei bobotho igre, eghuteuna mare jaola hata thaba biꞌo mala bibilakhi phei bobotho ka grengatha igre.

Nehemaea 3:3

Vikegna mae Hasena igre, mare neke babana fapulo grengatha te kiloi Grengatha Sasa aheva te mala foli sasa naiknore igne. Mare lilisei thaba biꞌo ka grengatha na, eghuteuna famaku lao phei bobotho biꞌo igre. Aonu mare lilisei aean biꞌo ka phei bobotho igre, eghuteuna mare jaola hata thaba biꞌo mala bibilakhi phei bobotho igre.

Nehemaea 3:25

Mae Palal thugna mae Usae, mana loku keha vido na, mana fufunu loku ka gringni thina ka keha sulukhugna thoa aheva te au nogna fapea suga king. Thoa igne au rhegna nodi suga mae iheire te mala toetoe gre. Mae Pedaea thugna mae Paros, baludi mae gloku ka Sugablahi na mae iheire te au ka thogele Ofel, mare babana fapulo keha vidogna gringni thina igne tei posa rhegna Grengatha Khoꞌu nei nodi thoa biꞌo hatimare mae te loku ka Sugablahi na.

Fapea Kings 14:13

Nu King Jehoas lokini King Amasaea. Eghuteuna mana balugna nogna armi ne tei Jerusalem, eghuteuna mare ne paꞌe soru gringni thina gna namono biꞌo na, fufunu ka Grengatha gna Efrem, tei posa ka Grengatha gna Kona. Keha phile gna gringni te paꞌe soru mare igne jame kaisei gobi nhanasalei mita.

Jone 5:2

Jare Jerusalem au kaisei kholo rhegna grengatha te kiloi mare nogna “Grengatha Sipu”. Kholo tuana mae Jiure kiloni Betsata. Rhegna kholo tuana au glima grorofe brahu.

Profet Sefanaea 1:10

Lord ne cheke eghu, “Ka Narane tuana, ghotilo na nomhidi naiknore ginauna kegra tanhi fabiꞌo rhegna grengatha te kiloi Grengatha Sasa ka namono biꞌo Jerusalem. Ka keha vido ke lamnagna namono tuana, naiknore ginauna tanhi fabiꞌo. Eghuteuna ghotilo ginauna nomhidi naogladi suga te grofo pari ka thogele ke holo.

Profet Jeremaea 32:2

Ka narane igre, armi gna Babilonia igne ne mei kegra faligohoni namono biꞌo Jerusalem, tarabana mala magra. Ka narane tuare, profet Jeremaea au sosolo ka sugagna king.

Profet Jeremaea 31:38

Lord ne cheke eghu, “Iara vahinihi kaisei narane, eghuteuna ka narane tuana, ghotilo ginauna nake babana fapulo nogu namono iara Jerusalem. Ghotilo ginauna na fufunu ke maghati nogna suga mala toetoe mae Hananel tei posa ke mosu Geri Grengatha.

Nehemaea 12:40

Aonu phei tothoghei igre koje ne kilo fnaknoni God ne mei posa ke ulugna nogna Sugablahi God na. Iara baludi keha mae biꞌo, ghehati jaola ne tei ka nomi vido re ka Sugablahi na.