Nehemaea 12:31 - Buka Blahi Ka Cheke Holo

³¹ Iara neke chekedi mae biꞌodi Juda igre mala kafe haghe ke kligna gna gringni igne. Eghuteuna iara ne vavahi phei tothoghei mala koje kilo fnaknoni God. Tothoghei ulu lahu na tei ke mata leghu nabrou tei ka Grengatha mala Koko Chara na.

Nehemaea 12:31 ပူးပေါင်းရင်းမြစ်များ

Nehemaea 2:13

Ka bongi tuana, ghehati ne tei salaꞌu ka Grengatha Glogu ke mosu namono. Eghuteuna ghehati tei ke mata leghuni gringni thina na mala tei posa ka Nogna Glokha Khoꞌu Mogo nei Grengatha mala Hata Koko Chara, jare ke mata khukrugna gringni thina na. Ghehati tei ne filodi vido gringni thina teke goigoni mae naoka tifa ra, baludi grengatha teke gnhubra ka khaꞌaghi ra.

Nehemaea 12:38

Fapea tothoghei mae mala koje igne, ne haghe ke tagrugna gringni thina igne ne tei ke raru. Iara balugu keha naikno ne tei ke leghudi mare. Ghehati tei ne salaꞌuni thoa vido aheva te mala kuki bret mare na, mala tei thokeni Gringni Krepa na.

Nehemaea 12:40

Aonu phei tothoghei igre koje ne kilo fnaknoni God ne mei posa ke ulugna nogna Sugablahi God na. Iara baludi keha mae biꞌo, ghehati jaola ne tei ka nomi vido re ka Sugablahi na.

Fapea Kronikols 5:2

King Solomon ne kilo meidi mae mala baubatu ka vike te gnafa Israel, nei mae funei ka tharakna te gnafa, nei keha mae mala baubatu langau eghu mala kafe tei Jerusalem. Mare ne kafe tei Saion ne hata nogna Bokis Nhaꞌa Cheke Lord na pala ne haghe ka Sugablahi na. Ka narane igre keha nanghagna Jerusalem na Saion, ba “Nogna Namono Biꞌo King Devet.”

Ululahu Kronikols 28:1

Mae Devet ne fatei cheke ka hatimare mae biꞌodi Israel mala kafe mei Jerusalem. Mana ne kilo meidi goro mae funeidi vike te gnafa, nei komandadi nogna tothoghei armi king, nei keha komanda ka armi, nei goro mae biꞌo te fiofilodi nogna gobigna lepo mana re, nei goro mae biꞌo te fiofiloni nogna suga biꞌo, nei nogna hose, nei goro thugna, nei nogna soldia teu king te thofno nheta tulao.

Ululahu Kronikols 13:1

Aonu King Devet ne cheke baludi mae komanda ka armi.

Nehemaea 12:32

Mae Hosaea ne tei ke leghugna tothoghei ululahu igne ka khoje na, balugna kaisei vido ka hatimare mae biꞌodi Juda.